සමස්තලංකා පාසල් බාලදක්ෂිකා කණ්ඩායමට තවත් නවක පෙළ බාළ දක්ෂිකාවන් පිරිසක් එක් වෙමින් මතුගම ආනන්ද ශාස්ත්‍රාල ජාතික පාසලේ බාලිකාවන් පනස් දෙනකු පසුගියදා නිල ලාංඡන පළදමින් දිවුරුම් දුන්නේය.
අරලිය, නිල්මානෙල්, රෝස , ඕකිඩ් , සූරියකාන්ත,නෙළුම් යන කණ්ඩායම් වලින් මෙහිදි බාලිකාවන් පෙළ ගස්වා තිබූ අතර බලදක්ෂිකා පළාත් කොමසාරිසාරිස්වරිය වන ශ්‍යාමා තිලකරත්න මහත්මිය සහ කලාප බාලදක්ෂිකා කොමසාරිස්වරිය වන රමණි වික්‍රමනායක මහත්මින්ගේ ප්‍රධානත්වයෙන්උත්සවය පැවත්විණි .
ආනන්ද ශාස්ත්‍රාලයේ විදුහල්පති රන්දුණු ජයලත් මහතාගේ උපදෙස් පරිදි නියෝජ්‍ය විදුහල්පතිනී මනෝරි ධර්මරතනප්‍රිය මහත්මියගේ ද සහභාගීත්වයෙන් පැවතිමෙහිදී බාලිකාවන් විවිධාංග රැසක් එක් කරමින් උත්සවය හැඩ කළේය.
බාලදක්ෂිකා කණ්ඩායම්භාර ආචාරිණි චතුරිකා හපුගොඩ, තරංගා ලක්මිණි, අයේෂා මීමැඩුම යන මහත්මින් විසින් කටයුතු සංවිධානය කර තිබුණි.
================
(විශ්ව ගැමුණු ප්‍රියංකර)
0 comments:
Post a Comment
ඔබගේ අදහස් අපට මහ මෙරකි