V I D U L A children's Radio

The Sri Lanka Broadcasting Corporation's Vidula channel is the first ever radio channel in Sri Lanka as well as in Asia dedicated for the children.

Lama Pitiya

The timbre of the children's programmes of yesteryear still remain evergreen..

V I D U L A - This is our R A D I O

Many aired their views on skills and activities....

V I D U L A - This is our R A D I O

Many aired their views on skills and activities.

V I D U L A Radio

The Sri Lanka Broadcasting Corporation's Vidula channel is the first ever radio channel in Sri Lanka as well as in Asia dedicated for the children.

Tuesday, March 8, 2016

පාසල් දොර වැසුණු දරුවාට සුපිරි පාසලක්

පාසලක් අහිමිව සිටින කුලියාපිටි‍යේ දරුවා කොළඹ ආනන්ද විද්‍යාලයට හෝ මහනුවර කිංස්වුඩ් විද්‍යාලයට හෝ ඇතුළත් කරන ලෙස අග්‍රාමාත්‍ය රනිල් වික්‍රමසිංහ මහතා අධ්‍යාපන ඇමැති අකිල විරාජ් කාරියවසම් මහතාට නියම කර තිබේ.
එම දරුවාට කොළඹ හෝ මහනුවරදි අධ්‍යාපනය හැදෑරීමට අවශ්‍ය වන වියදම් සම්පාදනය කිරිමට තමා වැඩපිළිවෙළක් සකස් කරන බව ද අගමැති වික්‍රමසිංහ මහතා ඇමැතිවරයාට දැනුම් දී තිබේ.
සෑම දරුවකුටම වසර දහයක් අධ්‍යාපනය අනිවාර්ය වීම මේ දරුවාට ද පොදු බව සඳහන් කර ඇති අගමැතිවරයා බුදුරජාණන් වහන්සේ කිසිවකු ශාසනයට ඇතුළත් කර ගැනිමේදි එම තැනැත්තාගේ මව්පියන් හෝ පවුල් පසුබිම පිළිබඳ නොසෙවු බවත් අධ්‍යාපන අමාත්‍යාංශය ද ළමයකු පාසලට ඇතුළත් කර ගැනිමේ දී එවැනි කරුණු නොසෙවිය යුතු බවත් අගමැතිවරයා සඳහන් කර තිබේ

පුවත් Dinamina.lk

Monday, March 7, 2016

'බිග් මැච්' වලින් දෝරෙ ගලන ජනප්‍රිය පාසල් විනය



මිනිසා යමෙක්‌ හෝ යමක්‌ හෘදයාංගමව වැළ`දගන්නේ ඒ පිළිබ`දව ඇති කැමැත්ත නිසාවෙනි. මෙම කැමැත්ත ඇතිවීමට මිනිසා තුළ එම පුද්ගලයා හෝ එම දෙය පිළිබ`දව ආකර්ෂණයක්‌ ඇතිවිය යුතුය. ඒ අනුව ජනප්‍රිය යන වචනයේ උප්පත්තිය සිදුවන්නේ මෙම කැමැත්ත මත බව පෙනේ. ජනයාට ප්‍රියවූ දෙය යන අදහසින් එය ව්‍යවහාරයේදී භාවිතා වේ. ජනප්‍රිය නළු නිළියන්, ජනප්‍රිය වැඩසටහන්, ජනප්‍රිය ක්‍රීඩකයින් ආදී වශයෙන් ජනප්‍රිය යන නාමාවලිය සමාජීය රුචිය අනුව දිග්ගැස්‌විය හැකිය. නූතනයේ ජනප්‍රිය යන සංකල්පීය වචනය සමාජයේ ප්‍රචලිත සෑම පුද්ගලයෙක්‌ වෙනුවෙන් මෙන්ම සෑම දෙයක්‌ වෙනුවෙන්ම භාවිතා වේ. නමුත් එය දෝෂ සහිතය. ඕනෑම පුද්ගලයෙකුට හෝ ඕනෑම දෙයකට යහපත් හෝ අයහපත් හැසිරීම් හා භාවිතයන් තුලින් සමාජයේ ප්‍රසිද්ධ වියහැකි වුවද ජනප්‍රිය විය නොහැකිය. මන්ද, සමාජයට අවැඩක්‌, අයහපතක්‌ වන දෑ යහපත් සමාජීය පුරවැසියන් අනුමත නොකරන නිසාවෙනි. එවැනි දෑ අප්‍රිය කරන නිසාවෙනි. නමුත් යමෙක්‌ හෝ යමක්‌ ප්‍රසිද්ධ නොවූ පමණින් එයට හේතුව ඔහු හෝ එම දෙය සමාජයේ යහපතට ක්‍රියා නොකිරීම බව පැවසීමද යුක්‌ති සහගත නොවේ. ඔහු හෝ එම දෙය තුළද යහපත් ගුණාංග රාශියක්‌ පැවැතිය හැකිය. ජනතාවට ප්‍රිය විය හැකිය. නමුත් මෙයට හේතුව නූතනයේ ජනප්‍රිය යන සංදර්ශනාත්මක සංකල්පීය තත්ත්වය මුදලේ වටිනාකම හා බලයේ හැකියාව මත සමාජගත වන ස්‌වරූපයක්‌ පෙන්නුම් කිරීමය. යහපත් දෙයක්‌ වුවද ජනතාව අතර ජනප්‍රිය කිරීමට මූල්‍යමය හා අධිකාරීය බලයක්‌ නූතන සමාජ යාන්ත්‍රණය තුළට අවශ්‍ය වී ඇති නමුත් ප්‍රසිද්ධවීමට මේ කිසිවක්‌ අවශ්‍ය නොවේ. මෙරට සිටි ජාත්‍යන්තර මත්ද්‍රව්‍ය ජාවාරම්කරුවකුගේ අන්වර්ථ නාමය නූතනයේ මෙරට ලොකු කුඩා ජනතාව අතර ඉතා ප්‍රචලිතය. එම ප්‍රචිලිතභාවය ප්‍රසිද්ධියක්‌ මිස ජනප්‍රියත්වයක්‌ නොවේ. ජනයාට ප්‍රිය වූQ ඇතැම් දෑ ප්‍රසිද්ධ නොවුණා සේම ජනයාට අප්‍රිය වූ ඇතැම් දෑ ප්‍රසිද්ධ වේ. යහපත් දෙයක්‌, ජනතාවට ප්‍රිය වූ දෙයක්‌ සමාජය තුළ ප්‍රසිද්ධවීමට නම් ඒ ස`දහා සැපිරිය යුතු සාධක පැවැතියද අයහපත් දෙයක්‌ සමාජය තුළ ප්‍රසිද්ධවීමට එවන් සාධක බලපානු නොලැබේ. මෙහිදී ජනප්‍රිය හා ප්‍රසිද්ධ යන වචන ද්විත්වය පිළිබ`දව පුළුල් කථීකාවක්‌ කිරීමට හේතුව වූයේ, නූතනයේ එම වචන ද්විත්වය එකම අරුතෙන් යොදාගැනීම නිසාය.

නගරයේ ජනප්‍රිය යෑයි සම්මත පාසල් තුලින් වැඩි අධ්‍යාපනයක්‌, හො`ද අධ්‍යාපනයක්‌, වැඩි පහසුකම් ප්‍රමාණයක්‌ ලැබේය යන විශ්වාසය හා ග්‍රාමීය පාසල්වලට යොමුකිරීමෙන් තම දරුවන් ජනප්‍රිය සමාජයෙන් කොන්වේ යෑයි යන බිය හේතුවෙන් නූතන දෙමාපියන් සෑම විටම උත්සාහ ගනුයේ නගරයේ ජනප්‍රිය පාසලකට තම දරුවා ඇතුළත් කිරීමටය. මේ ආකාරයට නාගරික පාසල් ජනප්‍රිය පාසල් ලෙස වර්ධනය වීම නිසා නූතනයේ පාසල් ජනප්‍රිය හා සාමාන්‍ය පාසල් ලෙස සමාජීය වර්ගීකරණයක්‌ ඇතිවී තිබේ.

නාගරිකව බිහිවන ජනප්‍රිය පාසල් තුළ ග්‍රාමීය පාසල්වලට වඩා පහසුකම් ඉහළ බව පිළිගත යුතු කරුණකි. ජනප්‍රිය යන ආකල්පය නිසාවෙන් රජයන් විසින්ද ඇතැම් පෞද්ගලික ආයතයන්ද මෙවැනි පාසල්හි සිදුකරන විවිධ වූ ක්‍රියාකාරකම් ස`දහා අනුග්‍රහය ලබාදීමට මැලි නොවෙති. එසේම වැඩි සිසුන් පිරිසක්‌ ඒකරාශි වී සිටීම නිසා රජයන් විසින් ජනප්‍රිය පාසල් වෙත වැඩි පහසුකම් ලබාදීමද අයුක්‌ති සහගත යෑයි පැවැසීම සදාචාර සම්පන්න නොවන්නේ මෙම පාසල්හිද ඉගෙන ගන්නේ අපේම රටේ දරුවන් වන නිසා ය. නාගරිකව බිහි වී ඇති ජනප්‍රිය පාසල් තම පාසලේ නාමය තව තවත් ප්‍රචලිත කරනු වස්‌ නූතනයේ විවිධ ක්‍රියාකාරකම් සිදු කරයි. මෙම ක්‍රියාකාරකම් විටෙක තවත් ජනප්‍රිය පාසලකට එරෙහිව සිදුකරන සීතල යුද්ධයකි. මෙම ලිපියේ අරමුණ වන්නේ නාගරිකව බිහි වී ඇති ජනප්‍රිය පාසල් මගින් සිදුකරන එවැනි ක්‍රියාකාරකම් මෙරට පාසල් විනයට ගැළපේද යන්න අවස්‌ථා කිහිපයක්‌ යටතේ විමසා බැලීමය.

ක්‍රීඩා තරග පාසල් ස`දහා අත්‍යවශ්‍ය ය. මන්ද, පාසල් අධ්‍යාපනයෙන් බිහිවිය යුත්තේ ශාස්‌ත්‍රීය දැනුමකින් හෙබි පිරිසක්‌ පමණක්‌ නොවන නිසා ය. ක්‍රීඩාවෙන් ද අප ලොව ජයගත යුතුම ය. ක්‍රීඩාව තරග ජයග්‍රහණය ස`දහා ම නොව දැයේ දරුවන්ගේ පෞරුෂත්වය වර්ධනය කිරීමටත්, ශාරීරික සෞඛ්‍යය හා මානසික සෞඛ්‍ය ඔප් නැංවීමටත් උපකාරී වේ. මෙරට ජාතික ක්‍රී්‍රsඩාව අත්පන්දු වුවද නූතනයේ පාසල්හි පවතින ජනප්‍රියම ක්‍රීඩාව වනුයේ ක්‍රිකට්‌ ය. මේ නිසා පාසල් අතර වාර්ෂික ක්‍රිකට්‌ තරග (බිග් මැච්) සංවිධානය වේ. මේවා හුදෙක්‌ තරග නොව පාසල් ද්විත්වයක ගෞරවය පිළිබ`ද සංග්‍රාමයක්‌ ලෙස හැ`දින්වීම සුදුසු ය. මෙම ඇතැම් වාර්ෂික පාසල් ක්‍රිකට්‌ තරග නිදහසටත් පෙර යටත් විජිත පාලන සමයේ ආරම්භ වී ඇත. දිවයිනේ ජනප්‍රිය පාසල් මෙම වාර්ෂික ක්‍රිකට්‌ තරග ස`දහා සහභාගි වන අතර ඒ සමග බැ`දුණු ජුගුප්සාජනක සංස්‌කෘතියක්‌ ද වේ. නාගරික ජනප්‍රිය පාසල් හි ක්‍රීඩාවන් ස`දහා පෞද්ගලික අනුග්‍රාහකයන් සිටියද ජනප්‍රිය තලයේ නොමැති පාසල් හි ක්‍රීඩාවන් ස`දහා එවැනි පෞද්ගලික අනුග්‍රාහකයෝ නොමැත. එවැනි පාසල් ස`දහා අනුග්‍රාහකයින් සොයාගැනීම ද අපහසු වන්නේ එම අනුග්‍රහයෙන් අදාළ පෞද්ගලික ආයතනයට ප්‍රචාරණයක්‌ නොලැබෙන නිසා ය. මේ නිසා වාර්ෂික ක්‍රිකට්‌ තරග සංවිධානය කරනු ලබන ඇතැම් පාසලAහි එම වියදම් ස`දහා අවශ්‍ය මූල්‍ය ප්‍රතිපාදන සොයාගැනීමට Rජුව ම පාසල් සිසුන් විශේෂයෙන් අදාළ කණ්‌ඩායමේ සිසුහු පාරට බසිති. එහිදී සිසුන් වෙළෙද ආයතන හා පෞද්ගලික ධන පරිත්‍යාගශීලීන් වෙත යමින් සි`ගමනේ යෙදෙන්නන් ලෙස මුදල් සෙවීමට පෙළඹේ. මෙම යාචක කාර්යය සිදුවනුයේ පාසලේ වග කිවයුතු සියල්ලන්ගේ ම අනුදැනුම යටතේ වීම ශෝකජනක ය. අධ්‍යාපනය පසෙක දමා මුදල් සොයා යාචක වෙස්‌ ගැනීමට පාසල් සිසුන්ට ඉඩ ලබාදීම පාසල් විනයට ගැළපේ ද යන්න සිතාබැලිය යුතු ය. මුදල් සෙවීමෙන් පසු තවත් දේ සිදු වේ. එනම් ඒ ඒ පාසල් විසින් තම පාසලේ ක්‍රිකට්‌ කණ්‌ඩායම දිරිමත් කිරීමට බව පවසමින් මහා මාර්ගයේ එක්‌ මංතීරුවක්‌ කිලෝ මීටර ගණනාවක්‌ අත්පත්කරගෙන යන වාහන පෙළපාලිය ය. මෙම වාහන පෙළපාලිය එම පාසල්වල ආදි සිසුන්ගෙන් හා තවමත් අධ්‍යාපනය ලබන සිසුන් බහුතරයකගේ සහභාගිත්වයෙන් පාසල් බලධාරීන්ගේ ද පූර්ණ අනුදැනුම යටතේ පොලිසියේ ද රථ වාහන හසුරුවා මාර්ගය එළිපෙහෙළි කර දෙන දායකත්වය යටතේ සිදුකරනු ලබන්නකි. වාහනවල වීදුරු කවුළු තුළින් තම උඩුකය එළියට ගෙන දිවි පරදුවට තබමින් ඉතාමත් අසංවර ලෙස හැ`ද පැළ`දගෙන මහ හඬින් වාහන නලා හ`ඩවමින්, මාර්ගයේ යන පදිකයින්ට උසුළු විසුළු කරමින්, කෑ ගසමින් ගමන් කරන මෙම වාහන පෙළපාලිය මෙරට පාසල් විනය පද්ධතියට අනුකූලදැයි මෙතෙක්‌ සොයා නොබැලුවේ එවැනි අංග පාසල් ස`දහා අත්‍යවශ්‍ය බව හැෙ`ගන නිසාද යන්න විමසිය යුතුය. මෙම පෙළපාලියේදී සිදුවන තවත් සිදුවීමක්‌ වන්නේ එම මාර්ගයේ බාලිකා පාසල් වෙත් නම් ඒවාට බලෙන් ඇතුළු වී එහි ශිෂ්‍යාවන්ට උසුළු විසුළු කිරීම ය. නූතනයේ විලාසිතාවක්‌ බවට පත්ව ඇති මෙම තත්ත්වය නිසා සිදු වන විනය විරෝධි ක්‍රියා බොහෝ වෙයි. මෙලෙෂ හැසිරෙමින් බාලිකා පාසලකට ඇතුළු වූ සිසුන් පිරිසක්‌ පිළිබඳවත් පෙළපාලියකින් ගමන් කළ වාහනයක්‌ පෙරළීමෙන් කොළඹ ආනන්ද විදුහලේ සිසුන් දස දෙනෙක්‌ පමණ තුවාල ලද බවත් පසු ගිය සතියේ අසන්නට ලැබිණි. මෙම සිදුවීම් දැක දැක නොදැක්‌කා සේ සිටීම වරදක්‌ බව වගකිව යුත්තන් නොසිතීම මෙරට පාසල් විනය පාලනයට සිදුව ඇති බලවත් අභාග්‍යයකි.

වාර්ෂික ක්‍රිකට්‌ තරග සමග ඇතිවන මෙම විනය විරෝධී උන්මාදය ඇතැම්විට පුපුරායන්නේ එක්‌ පාසලක්‌ පැරැදුණු විට හෝ පරාජයවීමට ඉඩහසර පෑදෙන විට ය. බිග් මැච් උන්මාදය එළියට පැමිණි අවස්‌ථා පසුගිය වසරේ දී ද දැකිය හැකි විය. පසු ගිය වසරේ මාර්තු 21 වැනිදා පැවති කොළඹ ඩී. එස්‌. සේනානායක විද්‍යාලය හා කොළඹ මහානාම විද්‍යාලය අතර සීමිත පන්දුවාර ක්‍රිකට්‌ තරගයේ දී ඩී. එස්‌. සේනානායක විද්‍යාලය ජයග්‍රහණය අබියසට පැමිණි විට ප්‍රතිවාදී පාසලේ ආදි සිසුන් හා සිසුන් පිටිය මැදට කඩාපැන ප්‍රතිවාදීන්ට පහරදීමට පටන් ගත්තේ වනචාරීන් මෙනි. එසේම එදිනම අවසන් වූ අම්බලන්ගොඩ ධර්මාශෝක විද්‍යාලය හා අම්බලන්ගොඩ දේවානන්ද විද්‍යාලය අතර පැවැති තෙදින තරගය ජය පරාජයකින් තොරව අවසන් වුව ද අවසන් දිනයේදී අයහපත් ආලෝක තත්ත්වය නිසා තරගය නතර කිරීමට විනිසුරුවන් තීරණය කළ මොහොතේ සිසුන් කලහාකාරී ලෙස හැසිරුණ අතර එහිදී විනිසුරුවන් පණ බේරාගත්තේ දෙපයේ පිහිටින් ක්‍රීඩා මණ්‌ඩපයට දිව යාමෙනිs. පෙර වසරේ දී ගාල්ලෙන් ද එවැනි අවස්‌ථාවක්‌ වාර්තා වූ අතර මහින්ද හා රිච්මන්ඩ් විද්‍යාලයන්හි සිසුන් පාලනය කිරීමට කඳුළු ගෑස්‌ පවා යොදාගැනීමට පොලීසියට සිදුවූයේ කාගේ වරද නිසාදැයි වටහාගත යුතු ය. නැතහොත් ක්‍රීඩා පිටිය මැද සිසුවෙකු අවසන් ගමන් යන දිනය ළඟදීම උදාවීම නියතය. නියපොත්තෙන් කඩා ඉවත් කළයුතු දෙය පොරොවෙන් කපන තත්ත්වය දක්‌වා වර්ධනය කරවීම සමාජයේ අභිවෘද්ධියට අහිතකර වේ.

මේ වනාහි සියල්ල නොවේ. ජනප්‍රිය ලෙස පෙනී සිටින පාසල් සිදුකරන එම ක්‍රියාවන් හ`දින්විය යුත්තේ ජනප්‍රිය යන නාමයෙන්ද ප්‍රසිද්ධ යන නාමයෙන්ද යන්න බුද්ධිමත් සමාජීය පුරවැසියන් තීරණය කළ යුතුය. ඕනෑම යහපත් මෙන්ම අයහපත් ක්‍රියාවන්ද ප්‍රසිද්ධ විය හැකි නමුදු අහයපත් ක්‍රිsයාවන් ජනප්‍රිය ලෙස හැ`දින්වීම සුදුසු නොවේ. මන්ද, ඒවා අප්‍රිය ක්‍රියාවන් වන නිසා ය. සමාජ සම්මත ඇතැම් ජනප්‍රිය පාසල් සිදුකරන ක්‍රියාවන් ජනප්‍රිය ද නැතහොත් අප්‍රිය ද යන්න බුද්ධිමත්ව වටහාගත යුතු ය.

කේ. උදේනි අරුණසිරි
ප්‍රාදේශීය පුරාවිද්‍යා කාර්යාලය - කොටුව, ගාල්ල


http://www.divaina.com/2016/03/07/gurusitha01.html

වස විස නැති රටක්

“වස විස නැති රටක්” වැඩසටහන යටතේ සංවිධානය කෙරුණු කෘෂිකාර්මික, අධ්‍යාපනික හා වෙළෙඳ ප්‍රදර්ශනය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ඊයේ (06) විවෘත කෙරිණි. අතුරලියේ රතන ස්වාමින් වහන්සේ ද, අමාත්‍යවරුන් වන එස්. බී. දිසානායක, දුමින්ද දිසානායක, ජනාධිපති ලේකම් පී. බී. අබේකෝන් යන මහත්වරු ඇතුළු පිරිසක් මෙම අවස්ථාවට එක්ව සිටි අයුරු. 
ඡායාරූපය-ජනාධිපති මාධ්‍ය ඒකකය


පෙරදිග ධාන්‍යාගාරය නමින් අතීතයේ හැඳින්වුණ ශ්‍රී ලංකාව කෘෂිකාර්මික රටකි. ලංකාවේ ගොවිකම රජකමටත් වඩා ඉහළය. එමෙන්ම එය ධාර්මික වෘත්තියකි.
වී ගොවිතැනින් රටේ ප්‍රධාන ආහාරය වන බත සැ‍පයෙන අතර එළවළු ගොවිතැනින් සමබල ආහාරවේලක් සෑදෙයි.
නමුත් නිරෝගිමත් ජාතියක් ලෙස ශ්‍රී ලාංකීය ජනතාව නඟාසිටුවී‍මට නම් මෙම ආහාර වේල වස විසෙන් තොර ආහාර වේලක් විය යුතුය. අතීතයේදී ශ්‍රී ලංකාව සහලින් ස්වයංපෝෂිත වූයේ වී වගාව සඳහා කාබනික පොහොර යෙදීමෙනි. සතුන් මලපහ කරන, සතුන් මිය ගිය, කුණු රොඩු එකතුවන සහ අළු වැනි දේ වැටුණු ස්ථානවල ගසක් සරුසාරව වැඩෙන බව ඔවුහු සිය අත්දැකීමෙන් වටහා ගත්හ. ඒ අනුව තම වගාවන් සරු සාර කර ගැනීම සඳහා එවැනි දේ යොදා ගැනීමට පෙළඹුණි. මෙලෙස අනාදිමත් කාලයක සිට මිනිසා කෘෂිකර්මාන්තයේදී කාබනික පොහොර යොදා ගන්නා ලදී.
නමුත් ශ්‍රී ලංකාවේ වැඩිවන ජනගහනයට විසඳුමක් ලෙස වැඩි වී අස්වනු ප්‍රමාණයක් ලබාදීමට විවිධ වී ප්‍රභේද හඳුන්වාදීමත් සමඟ ඒ සඳහා රසායනික පොහොර යෙදීම අත්‍යවශ්‍ය විය. මේ හේතුව නිසා සහනාධාර පදනම මත ගොවි ජනතාව වෙත රසායනික පොහොර හඳුන්වා දෙන දෙන ලදී. මෙම තත්ත්වය යටතේ 1990 දශකය වන විට ගොවීන් රසායනික පොහොර පමණක් වගාවන් සඳහා භාවිත කරන තත්ත්වය දක්වා වර්ධනය විය.
මේ හේතුවෙන් පරිසරය දූෂණය වනවා මෙන්ම සෞඛ්‍ය ගැටලු රාශියක් ද පැන නැගුණි. රසායනික පොහොර යෙදූ කුඹුරුවලින් බැහැර යන ජලය ගංඟා, ඇළ, දොළවලට එකතුවීමේදී මිනිස් සිරුරට අහිතකර විෂ ද්‍රව්‍ය ජලය සමඟ මිශ්‍ර වෙයි. මෙම තත්ත්වය හේතුවෙන් සෞඛ්‍ය ගැටලු රැසකට මුහුණ දීමට අපට සිදුවිය. විශේෂයෙන්ම උතුරු මැද පළාතේ ශීඝ්‍රයෙන් පැතිර යන වකුගඩු ‍‍රෝගය බහුලවීමටද එය ඉවහල් වී ඇති බවට වෛද්‍යවරුන් සනාථ කර ඇත.
ගොවීන් විසින් වාර්ෂිකව වී වගාව සඳහා යොදා ගනු ලබන කෘෂි රසායනික ද්‍රව්‍ය හා රසායනික පොහොර නිසා පොළවට එකතු වන බැර ලෝහ ප්‍රමාණය දස ගුණයක් පමණ වන බව පර්යේෂණවලින් හෙළි වී ඇත. එසේනම් මෙම තත්ත්වය නිරෝගී ජනතාවක් ලෙස අපට ඉදිරියට යාමට ඇති ප්‍රබල අභියෝගයකි.
“ධාර්මික ගොවිතැනක් - නිරෝගීමත් ජනතාවක්” ගොවි පුතෙකු වූ රටේ ජනාධිපතිවරයාගේ අපේක්ෂාවයි.
ඒ අනුව ධාර්මික ගොවිතැන සඳහා ප්‍රතිපත්තිමය කරුණු රැසක් එතුමා විසින් මෛත්‍රී පාලනයක් ස්ථාවර රටක් ප්‍රතිපත්ති ප්‍රකාශනයෙන් රටට ඉදිරිපත් කළේය.
රසායනික පොහොර හා කෘෂි රසායන භාවිතය ක්‍රමානුකූලව ඉවත් කිරීම සඳහා කාලරාමුවක් සකස් කිරිමට කටයුතු යොදන බවට (මෛත්‍රී පාලනයක් - ස්ථාවර රටක්, පිටුව 30) සඳහන් කර තිබේ.
එකී පොරොන්දුව ඉටුකරමින් “වස විස නැති රටක්” ජාතික වැඩසටහන සක්‍රීයව ක්‍රියාවට නැංවෙයි.
* ශ්‍රී ලාංකික නම් වසවිස නැහැ
ශ්‍රී ලංකාව වස විසවලින් තොර හරිත දිවයිනක් බවට පත්කර සැමට වසවිස නැති ආහාර සැපයීම සඳහා වු රජයේ ප්‍රතිපත්තිය මත පදනම්ව මෙම තුන් අවුරුදු ජාතික සැලැස්ම ඉදිරිපත් කෙරේ.
දිවයිනේ වගා කෙරෙන සියලු ප්‍රධාන ‍බෝග වර්ග එනම් ධාන්‍ය, එළවළු, පලාකොළ, අල වර්ග, කුළු බඩු, පලතුරු, ඖෂධ ශාක පමණක් නොව වාණිජ බෝග වර්ගද වස විසවලින් තොරව නිෂ්පාදනය කිරීම සඳහා අවශ්‍ය උපාය මාර්ග මෙමඟින් ඉදිරිපත් කෙරේ. එවිට ශ්‍රී ලාංකික ලේබලය වස විස නැති බවට දෙන සහතිකයක් බවට අනාගතයේදී පත්වනු ඇත.
පිටරටින් ආහාර ද්‍රව්‍ය ආනයනය කිරීමේදී ඒවායේ සෞඛ්‍යාරක්ෂිතභාවය පිළිබඳව බරපතළ ගැටලු පැන නැගී ඇත්තේ එම රටවල් බොහොමයක් දැනට ශ්‍රී ලංකාවේ භාවිතයෙන් ඉවත් කර ඇති පළිබෝධනාශක තවදුරටත් භාවිතයට ගන්නා නිසාය. පලිබෝධනාශක අවශේෂවලින් ගහනව තිබීමට ඉඩ ඇති, එහෙත් අපේ රටේ වැවෙන ආහාර බෝග වර්ග, පිටරටින් ආනයනය කිරීම සම්පූර්ණයෙන් නවතාලීම උදෙසා කෘෂිකර්ම අමාත්‍යංශය විසින් දැනටමත් සම්පාදනය කර ඇති ජාතික ආහාර නිෂ්පාදන වැඩසටහන (2016 – 2018) මේ වනවිට රට පුරා වේගයෙන් ක්‍රියාත්මක වෙමින් තිබේ.
මෙම වස විස නැති රටක් ජාතික සැලැස්ම එම වැඩසටහනට අනුපූරකයක් ලෙසින් සම්පාදනය කර ඉදිරිපත් කෙරේ. දේශීය ආහාර නිෂ්පාදකයා ආනයනයන් මත පදනම් වූ රසායනික ගොවිතැන වෙනුවට හැකිතාක් දුරට කාබනික ගොවිතැන දක්වා යොමු කිරීම මෙම ජාතික සැලැස්මේ අරමුණයි.
මෙහිදී ස්වභාවික ගොවිතැන මත පදනම් වූ දැනට ඉතා සුළු වශයෙන් භාවිත වන ඉහළ පෝෂ්‍ය ගුණයකින් මෙන්ම ඉහළ ඖෂධීය ගුණයකින් හෙබි පාරම්පරික බීජ ප්‍රභේද භාවිතය ක්‍රමානුකූලව වසර තුනක් ඇතුළත සමස්ත ගොවිතැනෙන් 30%ක් දක්වා රැගෙන ඒමට කටයුතු කෙරේ. තවද වැඩි අස්වනු ලැබෙන වැඩි දියුණූ කළ බීජ ප්‍රභේද භාවිත කරන ගොවි බිම්වලද ඒකාබද්ධ ක්‍රමවේදයන් මගින් කෘෂි රසායන භාවිතය ක්‍රමානුකූලව වසර තුනක් ඇතුළත 50%කින් අඩු කිරීමට අවශ්‍ය වැඩපිළිවෙළක් දියත් කෙරේ.
එමෙන්ම දේශීයව සහල් අස්වනු වැඩිවීමට සා‍ෙප්ක්ෂව ආනයනය කරන තිරිඟු පිටි වෙනුවට ඊට වැඩි ගුණාත්මක තත්ත්වයකින් යුතු සහල් පිටි වෙළෙඳ පොළක් නිර්මාණය කිරීමටද කටයුතු කෙරේ.
* මුළු මහත් සමාජයම රෝගී වෙමින් තිබේ
ශ්‍රී ලංකාවේ රසායනික ගොවිතැන හා වැරදි ආහාර පරිභෝජන රටා සහ වැරදි ජීවන රටා නිසා අර්බුද ගණනාවක් මතු වී තිබේ. වැරදි ගොවිතැන් ක්‍රම, වැරදි ආහාර පුරුදු හා ශාරිරික සක්‍රියතා නොමැති වැරදි ජීවන රටා නිසා බෝ නොවන රෝග ගණනාවක් මානව සමාජය තුළ ශීඝ්‍රයෙන් ව්‍යාප්ත වෙමින් තිබේ. ආහාර මගින් වස විස ශරීරගත වීම ‍ෙහ්තුකොටගෙන නොයෙක් රෝගවලට ජනතාව ගොදුරු වී සිටින අතර දිවයිනේ පිළිකා රෝගීන් සංඛ්‍යාව මේ වනවිට වසරකට 3000 බැගින් ඉහළ යමින් ඇත.
එපමණක් නොව වැරදි ආහාර පුරුදු නිසා දරුවන් එක් අතකින් මන්දපෝෂණයටත් අනෙක් අතින් අධිපෝෂණය හා ස්ථූලතාවයටත් ‍ෙගාදුරුවෙමින් තිබේ. එමෙන්ම සත්ත්ව පාලනයේදී විවිධ හෝමෝන වර්ග අධිකව භාවිතා වන නිසා කුඩා දරුවන්ගේ වර්ධන වේගය විකෘති වී ඇති අතර දැරියන් වැඩිවියට පත්වීමේ වයස පවා පහත වැටී ඇත. රටේ ජීවනාලිය බඳු වු ගොවියා දැනට භාවිත වන ගොවිතැන් ක්‍රම නිසා බරපතළ අර්බුදයකට මුහුණ දී ඇත. වකුගඩු රෝගය ශ්‍රී ලංකාවේ ගොවි ජනතාව අතර ශීඝ්‍රයෙන් ව්‍යාප්ත වෙමින් පවතින අතර මේ වනවිට ගොවි ජනතාව ලක්ෂ දෙකක් පමණ වාර්ෂිකව වකුගඩු රෝගයට ගොදුරුවීමේ අවදානම මතුවී ඇත.
වසවිස නැති ගොවිතැන යනු අලුත් සංකල්පයක් නොවේ. වස විස නැති ගොවිතැන යනු බෝගවලට අවශ්‍ය පෝෂ්‍ය පදාර්ථ වායුගෝලයෙන්, එම ගොවි බිමෙන් හා වටපිටාවෙන් ලබාගන්නා ක්‍රමවේදයකි. බහුබෝග වගාව, පාංශු සංරක්ෂණය, මනා ජල කළමනාකරණය, ගොවිතැනේ හිතකර ජීවින් සුලභ කිරීම සහ යාන්ත්‍රික ක්‍රමවලින් පලිබෝධ පාලනය ආදී අංගෝපාංගවලින් වස විස නැති ගොවිතැන සමන්විත වේ.
මෙහිදී වැඩිදියුණු කළ බෝගවලට වඩා ප්‍රමුඛතාව හිමිවනුයේ පාරම්පරික බෝග වර්ගවලටය. ඒ ඒවා සොබාදහමේ වෙනස්වීම්වලට වඩාත් ඔරොත්තු දෙන බැවිනි. මෙම කෘෂි රසායන භාවිත නොවන ගොවිතැන විවිධ ස්වරූපවලින් ඇත. කාබනික ගොවිතැන, ස්වභාවික ගොවිතැන හා තිරසාර ගොවිතැන එලෙස භාවිත කරන ස්වරූප කිහිපයකි.
මේ වනවිට ලොව විවිධ රටවල වසවිස නැති ගොවිතැන පිළිබඳව පර්යේෂණයන් සිදුකර නව උපාය, උපක්‍රම, විධික්‍රම හා තාක්ෂණයන් සොයා ගෙන ඇති බැවින් එම දැනුම අනුසාරයෙන් වස විස නැති ගොවිතැන පසුගිය වකවානුව තුළ ශීඝ්‍රයෙන් සංවර්ධනය වී ඇත.
ශ්‍රී ලංකාව තුළ පසුගිය දශක කිහිපය තිස්සේ අඛණ්ඩව ස්වභාවික ගොවිතැන පිළිබඳව පර්යේෂණ කළ විද්වත්හු, පර්යේෂකයෝ පමණක් නොව ගොවීහු, ගොවි සංවිධාන හා බහුජන සංවිධාන ද බොහෝ වෙති. ඔවුහු අධිෂ්ඨාන සහගතව කටයුතු කර වස විස නැති ශ්‍රී ලංකාවට ගැළපෙන නොයෙක් ගොවිතැන් ක්‍රම වැඩිදියුණු කර තිබේ.
මෙතෙක් ආ මඟ - 2015 වසරේ දී දියත් වූ වැඩසටහන්
සිය ප්‍රතිපත්ති ක්‍රියාවට නැංවීම උදෙසා වත්මන් රජය 2015 වසරේදී ගොවිතැන සම්බන්ධයෙන් පහත දැක්වෙන ප්‍රධාන පියවර ගෙන ඇත. යහපත් කෘෂිකාර්මික පිළිවෙත් 15 කින් සමන්විත ජාතික ආහාර නිෂ්පාදන වැඩසටහන (2016 – 2018) සම්පාදනය කර එළිදක්වා එහි සඳහන් ඉලක්ක සාක්ෂාත් කර ගැනීම සඳහා වේගවත් වැඩසටහනක් ක්‍රියාවට නැංවීම.
පෝෂ්‍යදායි ආහාර භාවිතය ප්‍රචලිත කිරීම උදෙසා හෙළ බොජුන් හල් 14ක් රට පුරා ස්ථාපිත කිරීම. ඉදිරියේදී තවදුරටත් මෙම හෙළ බොජුන් හල් ක්‍රමය ව්‍යාප්ත කිරීමට කටයුතු යොදා ඇත.
මුළු ක්ෂුද්‍ර පරිසර පද්ධතියම විනාශ කරන වල්නාශකයක් වූ ග්ලයිෆොසෙට් නම් වූ රසායනිකය ශ්‍රී ලංකාව තුළ තහනම් කිරීමට පියවර ගැනීම.
2016 අය වැය මඟින් මෙතෙක් වී ගොවිතැනේදී රසායනික පොහොර සඳහා පමණක් ලබා දී තිබූ රජයේ සහනාධාරය කිසිදු අඩුවක් නොකොට ස්වභාවික ගොවිතැන සඳහා ද ලබාදීමට පියවර ගැනීම ආදී කරුණු ප්‍රමුඛ තැනක් ගනී.
අභියෝගය ජය ගැනීමට නම් තවදුරටත් කාබනික ආහාර, අධික මිල සහිත සුඛෝපභෝගී ආහාරයක් නොවිය යුතුය. එනම් වෙළෙඳ පොළේ වස විස නැති ආහාර ද වස විස ඇති ආහාරවල මිලටම ලබාගැනීමට පාරිභෝගිකයාට හැකිවිය යුතුය. එබැවින් වත්මන් රජයේ ශීර්ෂ පාඨය බවට පත්වී ඇත්තේ “අඩු මිලට වැඩි පෝෂ්‍ය ගුණ” යන්නයි. එවිට සමස්තයක් ලෙස රට, වසවිස නැති සහලින් පෝෂිත කිරීමට හැකි වේ. ගොවියාට දැනට ගොවිතැනෙන් ලැබෙන ලාභයම වස විස නැති ගොවිතැන හරහා ලබාගැනීමට හැකිවේ. එමෙන්ම දැනට පවතින මිලටම සහල් වෙළෙඳ පොළෙන් මිලදී ගැනීමට හැකිවන බැවින් අඩු ආදායම්ලාභී පාරිභෝගික ජනතාවටද කිසිදු අපහසුතාවයකින් තොරව ආහාර මිලදී ගැනීමට හැකි වේ. වස විසවලින් තොර වී ගොවිතැනේදී දිගුකාලීන උපාය මාර්ගයක් ලෙස දැනට ගොවීන් භාවිතා කරන වැඩි දියුණු කළ ප්‍රභේද වෙනුවට පාරම්පරික වී ප්‍රභේද ප්‍රචලිත කිරීමට අපේක්ෂා කෙරේ. ඒ අනුව මුළු භූමි ප්‍රමාණයෙන් 30% ප්‍රමාණයකට පාරම්පරික වී ප්‍රභේද වසර 03ක් ඇතුළත හඳුන්වාදීමට ඉලක්ක කෙරේ.
එමෙන්ම වැඩි දියුණු කළ වී ප්‍රභේද භාවිතයේ දී ද රසායනික පොහොර සහ පලිබෝධ නාශක වෙනුවට ජෛව විද්‍යාත්මක හා යාන්ත්‍රික ක්‍රම භාවිත කිරීමට කටයුතු කෙරේ. එහිදී ක්‍රමානුකූලව වසර 03ක් ඇතුළත රසායනික ක්‍රම භාවිතය සම්පූර්ණයෙන්ම ඉවත් කිරීමට කටයුතු කෙරේ.
2002 ‍‍කෙරුනු සමීක්ෂණයට අනුව ශ්‍රී ලංකාවේ වී ගොවිතැනට ‍යොදාගන්නා සමස්ත භූමි ප්‍රමාණයෙන් 83.7% කම එනම් හෙක්ටයාර් 646,738 කම වල් මර්දනය සඳහා වස විස සහිත වල්නාශක භාවිත කර ඇත. එමෙන්ම කෘමි හානි වැළැක්වීම සඳහා වී වගා බිම්වලින් 71.9% කම එනම් හෙක්ටයාර් 555,308 කට වස විස සහිත කෘමිනාශක භාවිත කෙරේ.
එම නිසා වස විසවලින් තොර ගොවිතැන කරා යන අභියෝගාත්මක ගමනේදී පලිබෝධ පාලනය කෙරෙහි වැඩි අවධානයක් යොමු වෙයි. එය අදියර කිහිපයකින් සිදුකෙරේ. එහිදී පළමුව වගවිභාගයකින් තොරව සිදුකරන රසායනික පලිබෝධ නාශක ක්‍රම විධිමත් කෙරේ. ඒ සඳහා ඒකාබද්ධ පලිබෝධ පාලන ක්‍රමවේදයන් ගොවි ජනතාව අතර ප්‍රචලිත කිරීමට අපේක්ෂා කෙරේ. දෙවනුව ක්‍රමානුකූලව ගොවි බිම යථා තත්ත්වයට ගෙන සම්පූර්ණයෙන් වස විස නැති පලිබෝධ මර්දන ක්‍රම දක්වා යොමුවීමට අපේක්ෂිතය.
මේ සඳහා අතීත දැනුම් සම්භාරයත්, වර්තමානයේ වැඩි දියුණු කරන ලද පරිසර හිතකාමී පළිබෝධ පාලන උපක්‍රමත්, වල් මර්දනය සඳහා සරළ තාක්ෂණික ක්‍රම, රසායනික කෘමිනාශක වෙනුවට පරිසර හිතකාමී කෘමි විකර්ශක ආදිය හඳුන්වාදීම අවශ්‍ය වේ. තවද වස විස නැති වී ගොවිතැනේ දිගුකාලීන උපායමාර්ගයක් වශයෙන් දැනට ගොවීන් භාවිතා කරන වැඩිදියුණු කළ වී ප්‍රභේද වෙනුවට රෝග, කෘමිහානිවලට ඉතා හොඳින් ඔරොත්තු දෙන පාරම්පරික වී ප්‍රභේද ප්‍රචලිත කිරීමට අ‍ෙප්ක්ෂා කෙරේ.
* වස විස නැති පොහොර
දැනට තිරසාර ගොවිතැනට මුහුණදීමට සිදුව ඇති ප්‍රධානම අභියෝගය නම් රසායනික ගොවිතැන සඳහා පමණක් වාර්ෂිකව ලබාදෙන රුපියල් බිලියන 35ක පමණ වූ සහනාධාර මුදලයි. 2014/2015 මහ කන්නයේ දත්තවලට අනුව වී වගා කළ මුළු භූමි ප්‍රමාණය හෙක්ටයාර් 772,626ක් වන අතර එයින් 63.7%ක් රසායනික පොහොර පමණක් භාවිතා කර වගා කර ඇති අතර 35.3% ක් රසායනික සහ ස්වභාවික පොහොර යන දෙකම භාවිතා කර වගා කර ඇත.
ස්වභාවික ගොවිතැන සඳහා යොමු නොවී රසායනික පොහොර භාවිතයට යොමුවීම සඳහා ගොවියාට අනුබලයක් ලැබුණු ප්‍රධාන කරුණක් වූයේ රසායනික පොහොර සඳහා පමණක් ලබාදුන් සහනාධාරයයි. එම සහනාධාරය රසායනික ගොවිතැන ක්‍රම අතර සාධාරණ තරගයකට ඉඩ ලැබී ඇත. එම නිසා මෙම වැඩපිළිවෙළ යටතේ 2016/17 යල කන්නයේ සිට සහනාධාරය ලබාදෙන්නේ රසායනික පොහොරවලට නොව ගොවිතැනේ සැබවින්ම නිරත ගොවියාටය. එමගින් තමන් යෙදෙන්නේ කවර ගොවිතැන් ක්‍රමයට දැයි තීරණය කිරීමේ අයිතිය ගොවියාට හිමි වේ. තවද විස විස නැති තිරසාර ගොවිතැනට ගොවියා මාරුවීමෙන් පසු යෙදවුම් සඳහා යන වියදම අඩුවන අතර ගොවි බිමෙන් ගොවියාට ලැබෙන අස්වැන්න ද ඉහළ යන බැවින් ගොවිතැන සඳහා අනාගතයේදී විශේෂ සහනාධාරයක් අවශ්‍ය නොවනු ඇත. ගොවිබිමට පොහොර පදාර්ථ අවශ්‍ය වන්නේ එහි පෝෂ්‍ය පදාර්ථ හීනවන නිසාය. ගොවිබිමේ තිබෙන පෝෂ්‍ය පදාර්ථ ගොවි බිමෙන් ඉවත්වීමට ප්‍රධානම හේතුව වන්නේ පාංශු ඛාදනයයි. පාංශු සංරක්ෂණය ගොවිබිම සරුකර ගැනීමේ පළමු පියවරයි. සියලුම ගොවීන්ට තම ‍ෙගාවි බිමේ ඇති පෝෂ්‍ය පදාර්ථ උපරිම ලෙස රැකගැනීම සඳහා අවශ්‍ය මාර්ගෝපදේශකත්වය සැපයීම ප්‍රමුඛම කාර්යභාරය ලෙස රජය විසින් සලකනු ලැබේ. මේ සියල්ලෙහි අපේක්ෂාව හරිතවත් ශ්‍රී ලංකාවක් අනාගත පරපුරට දායාද කිරීමයි. එමෙන්ම නිරෝගීමත් ජනතාවක් ලෙස ශ්‍රී ලාංකික දරු පරපුර නඟාසිටුවීමයි. එබැවින් සියලු දෙනා මෙම ජාතික වැඩපිළිවෙළ සමඟ අත්වැල් බැඳ ගනු ඇතැයි රජය අපේක්ෂා කරයි.

http://www.dinamina.lk/

“ආ... එහෙ­මද? එහෙ­නම් මට මේ රුපි­යල් දහයේ තේ එක දෙන්න”


එක්තරා දරු­වකු පාසල ඇරී වීදි­යට ආවේ දැඩි පිපා­ස­ය­කිනි. ඔහු ළඟම තිබුණු අව­න්හ­ලට ගොඩ වූයේ සිසිල් බීම බෝත­ල­යක් මිලදී ගැනී­මට ය‍.
“මේ බීම බෝත­ලය කීයද?” දරුවා අව­න්හල් සේව­ක­යා­ගෙන් විම­සීය.
“රුපි­යල් විස්සයි පුතේ” ඔහු පිළි­තුරු දුන්නේ ය.
“ආ... එහෙ­මද? එහෙ­නම් මට මේ රුපි­යල් දහයේ තේ එක දෙන්න” කිය­මින් හෙතෙම අසුන් ගත්තේ ය. ළමයා අත රුපි­යල් විස්සක් තිබෙනු දුටු සේව­කයා දරුවා ගැන පුංචි වුණත් තියෙන ලෝබ­කම යැයි සිතුවේ ය. තේ එක බී මුදල් ගෙවා දරුවා පිටව ගියේ ය.
මේසය අස් කිරී­මට පැමිණි සේව­කයා විම­ති­යට පත් විය. මේසය මත රුපි­යල් දහ­ය­කුත් කඩ­දා­සි­ය­කුත් විය. එහි ලියා තිබුණේ “මේක ඔයා­ටයි මාමේ” යනු­වෙනි. ඔහුගේ දෙනෙ­තට කඳුළු ඉනුවේ ය. සේව­කයා ගැන අනු­කම්පා කර දරුවා තේ එක මිලදී ගෙන ඇත්තේ රුපි­යල් දහ­යක් සේව­ක­යාට දීමට අවැසි නිසා ය.
බලන්න මොහු කොයි­ත­රම් යහ­පත් දරු­වෙක් ද කියා.
(මෙය මෙරට සිදුවූ සත්‍ය කතා­වකි)
ධනුක හංසික ජන­නාත්,
8 ශ්‍රේණිය ‘ඩී’,
ශාන්ත තෝමස් කුමර විදු­හල,
මාතර.

“මේ තල ගහ පීදෙන්ට ළඟයි. කපන්ට ඕනෑ”

තල මලේ වරුණ

පසු­ගි­යදා මා අත්තා සමඟ විවේ­කීව සිටින විට ගෙමි­දු­ලට මඳක් දුරින් තිබූ තල ගස පෙන්වා “මේ තල ගහ පීදෙන්ට ළඟයි. කපන්ට ඕනෑ” යැයි අත්තා කීවේය. “ඇයි අත්තේ තල ගස කපන්නෙ?” යැයි මම අත්තා­ගෙන් විම­සු­වෙමි. එවිට අත්තා මට තල ගස ගැන තොර­තුරු කියා දුන්නේය.
අතී­තයේ තල ගසින් බො‍හෝ ප්‍රයෝ­ජන ගැනුණි. තල ගොබ ඉරා තම්බා, මඳ පවනේ වේළා පැදුරු, මාගල් වට්ටි, පෙට්ටි, විසි­තුරු භාණ්ඩ, බිත්ති සැර­සිලි ආදිය නිර්මා­ණය කිරී­මට යොදා ගැනිණි. ඒ කාල‍යේ අකුරු ලිවී­මට ද තල ගොබ යොදා ගනු ලැබිණි. එමෙන් ම පණි­විඩ යැව්වේ ද තල ගොබයේ ලියාය.
තල­ප­ත්වල අකුරු ලිවී­මට වෙන­මම පෑනක් තිබිණි. එය ලෝහ කූරක අග සිහින්ව උල්කර තැනූ උප­ක­ර­ණ­යකි. එය හැඳි­න්වූයේ පන්හිඳ නමිනි. තල­පතේ පන්හි‍ඳෙන් ලිවූ විට අපැ­හැ­දි­ලිය. එනිසා කළු මැදිය යුතුය. පාන්ක­ඩ­යක් පොල් තෙලෙහි ඔබා, පුලු­ස්සා­ගත් අළු පොල් තෙල් සමඟ මිශ්‍ර කොට අකුරු ලියූ තල පත්වල අතුල්ලා රෙදි කඩ­කින් පිස දැමූ විට පන්හි‍ඳෙන් තල­ප­තෙහි ලියූ දේ පැහැ­දි­ලිව පෙ‍ෙන්.
අතී­තයේ හඳ­හන් ලියන්නේ ද තල පතෙ­හිය. යන්ත්‍ර මන්ත්‍ර, වෙද හෙද­කම් ආදී දේවල් ලියා තැබුවේ ද තල­ප­ත්ව­ලය. අගනා මිණි මුතු, මැණික්, රන්, රිදී වැනි වටිනා වස්තු රජ­වරු, සිටු­වරු නිධන් කොට තැබූහ. ඒ පිළි­බඳ ලියා තැබුවේ ද තල­ප­ත්ව­ලය. මෙය නිධන් වදුල ලෙස හඳු­න්වයි.
තල ගසෙන් පිටි ද ලබා­ගත හැක. ගස පීදෙ­න්නට ළංවන විට කපා තල බඩය වංගෙ­ඩියේ දමා කොටා ජලය වත්කොට රොඩු සියල්ල ඉව­ත්කොට තැබී­මෙන් පිටි ජල බඳුනේ පතුලේ තැන්පත් වෙයි. ඉන්පසු ජලය ඉවත් කර අව්වේ වේලා ගනී. මේ පිටි­ව­ලින් ආප්ප, ඉඳි­ආප්ප, පිට්ටු, කැවුම්, කොකිස්, කේක් වැනි කෑම සාදා ගත හැකිය.
ආර­ණ්‍ය­ගත භික්ෂූන් වහන්සේ හා රාමඤ්ඤ නිකායික භික්ෂූන් වහන්සේ කුඩය වෙනු­වට තල් අත්ත භාවිතා කළහ. ගොවියා තල ගසේ කඳ ලියැදි හරහා ජලය එහා මෙහා යෑමට යොදා ගනු ලැබිණි.
තල­මල අලං­කාර වූවත් ගැමි ජනයා තල මලක් පිපීම අසුබ නිමි­ත්තක් ලෙස සල­කති. තල­ම­ලක් පිපී­මට අවු­රුදු 50-60 ක් පමණ කාල­යක් ගත­වෙයි. ගසේ සිදු­වන වෙනස් වීම් මඟින් තල මලක් පිපී­මට ආසන්න බව ගැමියා දැන ගනියි. එවිට මල පිපෙ­න්නට ඉඩ නොදී ගස කපා දමති. තල මලක් පිපු­ණ­හොත් ගම් හතක් පාළු­ වන බව ගැමියෝ විශ්වාස කරති.
අනෙ­කුත් ගස්වල මල් පිපෙන්නේ අතු­වල හෝ ක‍ඳේය. තල ගසේ මල පිපෙන්නේ ගස මුදු­නේය. පිපෙන්නේ ද එක් මලක් පමණි. තල මලක් මෝරා වැඩෙන විට කෘමි සත්තු විශාල සංඛ්‍යා­වක් ඊට එකතු වෙති. මලේ සවි බලය නැති වුණු විට සත්තු බිමට වැටෙති, ඈතට විසි­රී­යති. මේ කෘමි සත්තු බෝග­ව­ලට බොහෝ හානි පමු­ණු­වති. ගැමියෝ තල­මල පිපී­මෙන් ගම් හතක් පාළු­ වන බව විශ්වාස කරන්නේ මේ හේතුවෙන් විය හැකිය.
හිරු­දිනී කුමාරි විජේ­ති­ලක
9 ශ්‍රේණිය ‘කිව්’,
ඩඩ්ලි සේනා­නා­යක මධ්‍ය විද්‍යා­ලය,
තෝලං­ග­මුව.
 

http://www.silumina.lk/2016/03/06/_art.asp?fn=au160306

දෙන්න දෙපැත්තෙන් සාංචි මැද්දෙන්

මේ යන්නේ අතුරේද අනතුරේද?

දෙන්න දෙපැත්තෙන් සාංචි මැද්දෙන් කිව්ව වගේ, මේ අම්මයි - තාත්තයි හයක් හතරක් නොතේරෙන කිරි සප්පයත් මැදින් තියාගෙන වාහන දුම කපාගෙන යන මේ ගමන මොන තරම් අවදානම් ද? වමෙන් බස් එකක් දකුණෙන් ටිපර් එකක්. කාන්තා දින, මව්වරුන්ගේ පියවරුන්ගේ දින, ළමා දින, අනතුරු වැළැක්වීමේ දින මොනවා තිබ්බත් මොටද? අපේ දරුවන් අරන් අපි යන්නේ මෙහෙම අනතුරුදායක ගමන් නම්?

ඡායාරූපය - සුදම් ගුණසිංහ

http://www.silumina.lk/2016/03/06/

Thursday, March 3, 2016

හෙට උපදින දරුවකුට අවුරුදු 140ක් ආයු විඳින වරම්!


 “වයස්ගතවීම හා ආශ්‍රිත රෝගවලින් බොහොමයක්, මැඬලීමේ හොඳම ක්‍රමය සතිපට්ඨාන භාවනාවයි. නවීන පර්යේෂණ බොහොමයකින් පැහැදිලි වන්නේ ඉතා සුළු වේලාවක්, සතිපට්ඨාන භාවනාවේ යෙදීමේත් සිත එකඟකොට ගෙන සිටීමේත් ප්‍රතිඵලක් වශයෙන්, මානව ආතතිය අඩුවන බවය. වෙනෙකක් තබා, මොළයේ අන්තර්ගත මාංශ පේශිවල දිරාපත්වීම පවා සතිපට්ඨාන භාවනා ක්‍රමය මඟින්, අඩුකරගත හැකිවේ.”
-රිචඩ් ඩේවිඩ්න්, ස්නායු විශේෂඥ
අද යුගයේ අපරදිග සමාජවලින් අසන්නට ලැබෙන විස්මය උපදවන පුවතක් නම්, බටහිර විද්‍යාඥයන් විසින්, මානව ආයු කාලය බොහෝ සේ දිගු කරන ක්‍රමවේද සොයාගෙන තිබෙන බවයි. ඒ පර්යේෂණයන්හි යහපත් බලපෑම, මුළු මහත් මානව සංහතියේ ම සෙත පිණිස වෙයි.
අද ලොව මිනිසාට කොපමණ කලක් ජීවත් විය හැකි ද?
මේ පැනයට විද්‍යාඥයන් සපයන ප්‍රායෝගික පිළිතුර, අනිවාර්යයෙන් ම ඔබ මවිත කරවයි.
ඒ පිළිතුරේ ස්වභාවය සැකෙවින් මෙසේ දැක්විය හැකිවේ.
“මීයන්ගේ සාමාන්‍ය ආයුකාලය මාස 27 යි. එහෙත්, අලුතින් සොයාගත් ඖෂධයක පිහිටෙන්, සාමාන්‍ය මීයෙකුගේ වයස මාස 48 දක්වා දිගු කොට තිබේ. ඒ දීර්ඝායුෂදායි ඖෂධය විසින් මීයාගේ සාමාන්‍ය ආයු කාලය සියයට 1.77 කින් වැඩි කරන ලදී. ඒ අනුව මිනිසාගේ ආයු කාලය දෙස බලමු. මිනිසාගේ සාමාන්‍ය ආයු කාලය අද යුග‍ෙය් අවුරුදු 80 කි. ඒ අනුව, මී ඖෂධයේ පිහිටෙන් තව අවුරුදු පහකින් පමණ උපදින දරුවෙකුට අවුරුදු 142ක් ජීවත්විය හැකිය. මේ අවුරුදු පහකින් පමණයැයි කීයේ, ඒ ඖෂධය මිනිස් දරුවන්ට සුදුසුවන පරිදි දියුණු කරන්නට ගතවන කාලය ගැන සිතමිනි.
අපගේ ශ්‍රී ලාංකික ජන සංස්කෘතියේ දීර්ඝායුෂ ප්‍රාර්ථනාව, ඉතා ප්‍රබල ස්ථානයක් ගනී. අපගේ බෞද්ධ සාමයික ප්‍රකාශයකින් මෙසේ කියවේ: “සුඛී දීඝායුකො භව” (සුවපත්ව දීර්ඝායුෂව වෙසේවා.)
සිංහලයන් දෙදෙනෙකු ඔවුනොවුන් මුණ ගැසුණුවිට ආචාර සමාචාර පවත්වන්නේ ආයුබෝවන් යන ආශීර්වාද පදයෙනි. මෙය ආචාරයක් මෙන් ම සුබ ප්‍රාර්ථනයක් ද වෙයි. “ඔබට ආය‍ු‍බෝ වේවා - ඔබ දීර්ඝායුෂ්ක වේවා” යන ඒ ආචාර සමාචාර පදයේ අරුතයි.
දිවි පෙවෙත සැලසුම් කිරීම
දිගු කලක් මුළුල්ලේ ශ්‍රී ලංකාවේ ජන සංස්කෘතියෙහි, ඒ දීර්ඝායුෂ ප්‍රාර්ථනාත්මක ආචාර - සමාචාර ක්‍රමය මුල්බැසගෙන තිබුණ ද, අපරදිග නවීන රටවල මෙන්, ශ්‍රී ලංකාවේ ආයුකාලය ක්‍රමවත්ව වර්ධනය කරනු පිණිස යොමුවූ පර්යේෂණ පද්ධතියක් අපේ දේශයේ නොතිබිණි. ඇතැම් ආහාර-පාන වර්ග ආයු වර්ධනයට හිතකාමීයැයි කියන විශ්වාසය ශ්‍රී ලංකාවේ හිතකාමීයැයි කියන විශ්වාසය ශ්‍රී ලංකාවේ ගැමි චිකිත්සාව හා බද්ධව තිබේ.
එහෙත් අපරදිග ලෝකයෙහි, මානව ආයුකාලය වර්ධනය කිරීම සදහා පැවැත්වෙන අති ක්‍රමානුකූල එමෙන් ම උච්චතම නවීන ලක්ෂණ සහිත පර්යේෂණ හා චිකිත්සක මධ්‍යස්ථාන සංඛ්‍යාව තරමක් පෘථුලය. එවැනි පර්යේෂණාගාර හා ආයු වර්ධන චිකිත්සා මධ්‍යස්ථාන විසින්, ලොවට සැපයෙන මාර්ගෝපදේශකත්වය, මුළු මහත් මිනිස් වගට ම සෙත සාදයි. ඒ ප්‍රබල ආයුවර්ධක චින්තනය මඟින් ප්‍රකාශිත ඇතැම් අදහස්, ශ්‍රී ලංකාවේ අපටත් ආයු වර්ධනය පිළිබඳව ගැඹුරට හැදෑරීමේදී මහෝපකාරීය. “දීර්ඝායු විද්‍යාව පිළිබඳ ස්ටැන්ෆර්ඩ් මධ්‍යස්ථානයේ “සමාරම්භිකා ආචාර්ය ලෝරා එස්. කාස්ටන්සෙන් මහත්මිය විසින් උගන්වනු ලබන කරුණු අතර, ලොව කාගේත් ආයු වර්ධනයට හිතැති, මා ඇඟි අදහස් අන්තර්ගතවේ.
ඇය නවීන මිනිසාගේ එක් අඩුපාඩුවක් ඉස්මතුකොට දක්වයි. අවුරුදු 100ක ආයු කාලයක් ලබාගන්නට නම්, අප සතුවිය යුතු ප්‍රධාන ගතියක්, මේ විද්‍යාඥවරිය විසින් ගෙන හැර දක්වයි.
ඒ මෙසේය: “කවර දේශයක විසුවද, කවර සංස්කෘතියක වැඩුණද, දීර්ඝ කාලීනව සිය දිවිපෙවෙත සැලසුම් කිරීමේ ගතිය, ස්වාභාවික ලෙස මිනිසා තුළ පිහිටා නැත. ඒ නිසා මිනිසාට අනාගත වර්ධනය ගැන පැහැදිලිව සිතන්නට බැරිය. එසේ ම, මිනිසාට දීර්ඝයුක්ෂව සිටීම අපහසු කරන තවත් කරුණක් වෙයි. තමන්ගේ ඇතැම් ක්‍රියා නිසා සිදුවිය හැකි අයහපත් ප්‍රතිඵල ගැන ද කල් ඇතිව සිතන්නට බොහෝ දෙනා අපොහොසත් වෙති.
මිනිසුන්ට, ඉතා දිගුකලක් විසීමේ කැමැත්ත තිබේ නම්, ඔවුන්, මීට පෙර නො කළ අන්දමෙන්, අනාගතය සැලසුම් කරන්නටත්, දූර්දර්ශීව සිතන්නටත් පුරුදුවිය යුතුවේ.
මෙය දීර්ඝකාලීන ජීවිතයක් කැමැති ශ්‍රී ලාංකිකයන්ටත් ඉතා අගනා පාඩමකි.
අවුරුදු 100ක් විසීමේ ආශාව ඇති අය තවත් පුරුද්දක් ඇතිකරගත යුතුය. “දැන් මා සිටින්නේ කොතැනද? මේ මොහොතේ මගේ තත්වය කෙසේද? කියා දැන ගන්නටත් ඔවුන් පුරුදුවිය යුතුවේ. අනාගතය දැක, අනාගතයට සුදුසු සේ ජීවත්වන්නට ඒ පුරුද්ද අත්‍යවශ්‍ය ඖෂධයකි.
ආචාර්ය ලෝරා මිනිසාගේ දීර්ඝායුෂ්කභාවය පිළිබඳව පෘථුල පර්යේෂණ පවත්වයි. ආර්ථික විද්‍යාඥයන්ගෙන්, වෛද්‍ය විද්‍යාඥයන්ගෙන් කාර්මික ප්‍රධානීන්ගෙන් ඇය ප්‍රශ්නයක් විමසුවාය.
“දීර්ඝකාලීන, සෞඛ්‍ය සම්පන්න දිවි පෙවෙත හා සම්බන්ධ වන ගති-පැවතුම් හා පුරුදු වශයෙන් ඔබ දන්නේ කවර විදියේ චර්යාවක්ද?”
මේ පර්යේෂණ මඟින් ඇය විසින් සොයා ගන්නා ලද ප්‍රධාන කරුණු තුනක් වේ,
(1) සෞඛ්‍ය සම්පන්න දිවිපෙවෙත
(2) සුරක්ෂිත ධන තත්ත්වය
(3) සමාජය හා ඒකාබද්ධව සැස‍ඳෙමින් ජීවත්වීමේ දක්ෂතාවත්.
දිවිය කෙටි කරන පුරුදු
ලෝකයේ බො‍හෝදෙනා ගේ දීර්ඝායුෂ්කභාවය අඩුකරන - දිවි පෙවෙත කෙටි කරන - චර්යා දෙකක් ඇය සොයාගෙන ඇත. බොහෝ දෙනා දුම්පානය අඩු‍කොට සිටිති. කායික අභ්‍යාසවල යෙදෙති. එහෙත්, ඔවුහු තාමත්, දීර්ඝායුෂභාවයට පටහැණි ක්‍රියා දෙකක යෙදෙති. ඒ දෙක මෙසේ ය:
(1) කායික අභ්‍යාසවල යෙදෙන කාලය තාමත් අඩුය.
(2) අවාසනාවකට මෙන්, බොහෝ දෙනා වාඩිවී සිටින කාල පරිච්ඡේදයත් වැඩිය.
දීර්ඝායුෂ්කභාවයට පටහැණි ප්‍රධාන කරුණක් වශයෙන් ඇය දකින්නේ සාමාජික සබඳතා අඩුකමයි. සමහරු සිය ගෙදර - දොර අය සමඟ පවා දැඩි සබඳතා පවත්වා නොගනිනි. අසල්වැසියන් හා සමඟ ආශ්‍රය අඩුය. වැඩිහිටියන් පමණක් ‍ෙනාව, ඇතැම් දරුවන් ද එසේ සමාජ සම්බන්ධතාවලින් බොහෝසේ තොරය. නවීන රාජ්‍යයක් වන ඇමෙරිකාවේ පවා වයස 65ත් 74ත් අතර අයගෙන් සියයට 57ක් දවසකට පැය හතකටත් වැඩි කාලයක් එක තැනක වාඩිවී කල් ගෙවති. මෙය ආචාර්ය ලෝරා දක්වන්නේ ආයු කාලය කෙටි වීමේ හේතුවක් ලෙසයි. එකතැන බොහෝවේලා වාඩිවී සිටීමෙන් සිරුර ස්ථුලවේ. එය, දියවැඩියා රෝගයට හේතුවකි.
ඇමෙරිකාවේ බොහෝ දෙනාගේ ජීවන කාලය කෙටි කරන රෝගයක් තිබේ. ඒ රෝගය නම් අල්ස්හෛමර් රෝගයයි. ඇමෙරිකාවේ එක්කෝටි හතළිස් ලක්ෂයක් පමණ දෙනා ඒ රෝගයෙන් පෙළෙති. එහෙත්, අලුත් ම ආරංචිය නම් මේ රෝගය සදහටම දුරුකරන ඖෂධයක් අද තැනී තිබීමේ පුවතයි.
ඖෂධ සමඟ දීර්ඝායුෂ සඳහා යහගුණය අත්‍යවශ්‍යය. දීර්ඝායුෂ්කා භාවයට පටහැණි අභියෝග ජයගනු පිණිස, සුබවාදී චින්තනය ද අත්‍යවශ්‍ය බව ආචාර්ය ලෝරා ප්‍රකාශ කරයි. ශ්‍රී ලංකාවට ද මෙය යහපත් ආයුවර්ධන උපදේශයකි.
දීර්ඝායුෂ ලැබීම සඳහා ජෙෆ්රි ක්ලූගර් නම් අපරදිග විද්‍යාඥයා විසින් දෙනු ලබන එක් උපදේශයක ඍජුවම බුදුසමයෙන් ලබාගත්තාක් සේ පෙනේ.
විද්‍යාඥ ක්ලූගර් විසින් පැවසෙන්නේ මරණානුස්මෘතිය, දීර්ඝායුෂ ලැබීමට හේතුකාරක වන බවය. මරණානුස්මෘති භාවනාවේ යෙදෙන අය, හැම අලුත් දවසක් ම ඉතා අගය කොට සලකති.
මනෝවිද්‍යාඥ සිග්මන්ඩ් ෆ්‍රොයිඩ් ගේ ශ්‍රාවකයෙකු වූ මනෝවිද්‍යාඥ ඔටෝ රෑන්ක්ගේ මතය නම්, අනිවාර්ය දෙයක් වන මරණය ගැන සිය කැමැත්තෙන් ම සිත යොමු කිරීම නිසා, මරණානුස්මෘති භාවනාව විසින් මිනිසුන්ට, ජීවිතයට මූණපාන්නට නව ශක්තියක් ලබාදෙන බවය. ඒ නිසා එවැන්නෝ අනිවාර්යෙන් ම දීර්ඝායුෂ්ක වෙති.
මහාචාර්ය ක්ලූගර් මෙසේ කියයි. “ගමනාන්තයක් තිබෙන බව ස්ථිරවම දැනගත් විට, අපි සියලුදෙනා ම ඉතා හොඳ සංචාරකයන් බවට පත්වන්නෙමු.”
බුද්ධ චින්තනයට අයත් මරණානුස්මෘති භාවනාව සතු මේ දීර්ඝායුෂ්ක බලය, බටහිර විද්‍යාඥයන් විසින් සොයා ගැනීම, ශ්‍රී ලංකාවේ අපට බොහෝසෙයින් ම අගනා හෙළිදරව්වකි.
ශ්‍රී ලංකාවේ අපට විශේෂයෙන් වැදගත් වන්නේ දීර්ඝායුෂ්ක භාවය සඳහා බෞද්ධ භාවනාවේ අගය, ආයුෂ වර්ධන චිකිත්සාව පිළිබඳ බටහිර සුප්‍රසිද්ධ විද්‍යාඥයන් විසින් ඉතා ඉහළින් කෙරෙන විවරණයයි.
ඇමෙරිකාවේ කැලි‍ෆෝර්නියා විශ්වවිද්‍යාලයේ මනෝ චිකිත්සක විද්‍යාඥ මහාචාර්ය එලිස්සා ස්පල්ගේ අදහස මෙසේය:
“සතිපට්ඨාන භාවනාව නිසා මිනිසුන්ගේ අසුබවාදි චින්තනය පහවී යයි. එසේම, ඇතැම් භාවනාක්‍රම හේතුකොට, ස්වාභාවික කායික පරිහානිය පවා වළකී, වයසට යෑමේ කායික ලක්ෂණ ඉවත්වේ.
කෙනෙකුට ගැඹුරු භාවනාව අපහසු නම්, එවැන්නෙකුට, යටත් පිරිසෙයින් මේ එළඹි වර්තමාන මොහොත ගැන හෝ සිහි එළඹවා සිටිය හැකිය. එවිට කායික වශයෙන් පහළ වන වයෝ ලක්ෂණ තරමකට හෝ අඩුවේ.
බාහිර ලෝකය හේතුකොටගෙන ඇතිවන, මානසික කම්පන පවා භාවනාව නිසා අඩුවෙයි. මෙය වයසට යෑම වළක්වන හොඳ චිකිත්සාවකි.
තරමක සරල ආකාරයේ සති පට්ඨාන භාවනාව වැඩීමෙන් පමණක් වුවද, සිරුරේ වයසට යෑම අඩු කළ හැකියැයි අපරදිග විද්‍යාඥයෝ කියති. සිතේ සතුට, දීර්ඝායුෂ්කතාවයට අත්‍යන්තයෙන් ම හිතකරය. සිතේ සතුටක් නැති වයස්ගත අය, සතුටින් වෙසෙන වයස්ගත අයට වඩා අඩු කාලයකින් මිය යන බව වෛද්‍ය වාර්තා මඟින් ස්ඵුට වී ඇත. කොපමණ ප්‍රශ්න තිබුණද, සිතේ සතුට සහිත වැඩිහිටියෝ, අන් අයට වඩා සියයට තිස්පහකට අධික කාලයක් දීර්ඝායුෂ විඳිති.
සිතේ සතුටින් පසුවන වැඩිහිටියන්ගේ කායික ක්‍රියාකාරීකම්, සිතේ සතුට නැති අයගේ කායික ක්‍රියාකාරීකම්වලට වඩා හොඳ තත්ත්වයක පවත්නා බව පර්යේෂණවලින් හෙළිවී තිබේ.
විද්‍යාඥයන්ගේ නිගමනය නම්, සිතේ සතුට ඇති වැඩිහිටියන් වඩා දිගු කලක් ජීවත්වන බව බවයි. මෙයට හේතුව සුබවාදී, සෝමනස්ස චේතනාවල්, කායික අභ්‍යාස ආදියටත් වඩා වැඩිහිටියන්ගේ කායික මානසික සෞඛ්‍යයට හිතකර ආකාරයෙන් ක්‍රියා කරන බවය.
ඇමෙරිකාවේ විශේෂඥයන් විසින් ඉතා විස්මය උපදවන සිද්ධියක් අනාවරණය කොටගෙන ඇත. එනම් පදවියෙන් ඉවත්වූ ජනාධිපතිවරුන් බොහෝ කාලයක් ජීවත්වන බවය.
හිටපු ජනාධිපති ජිමී කාටර්, ධවල මන්දිරයෙන් ඉවත්ව දැනට අවුරුදු තිස්පහකි. ජනාධිපති කාටර් අදත්, කාර්ය බහුල ජීවිතයක් ගත කරයි. හිටපු ජනාධිපති බුෂ්ට (පියා) අවුරුදු 90 කි. ජනාධිපති ජිමී කාටර් ගේ වයසමය. ජනාධිපති රොනල්ඩ් රේගන් අවුරුදු 93ක් ජීවත් වූයේය.
බෞද්ධ භාවනාවේ අගය
ඒ සා භාරධුර ජගත් කාර්යයක යෙදී සිටත් ඔවුන්ට දීර්ඝායුෂ්ක වන්නට හේතුකාරක වූ සාධක සොයා ගැනීම, වයස්ගතවීමේ රහස සොයන විද්‍යාඥයන්ට බොහෝසේ ප්‍රයෝජනත් වෙයි. ඔවුන් විවිධ අභියෝගවලින්, නව ශක්තියක් ලැබ ගන්නේ විය හැකිය.
සත්ත්ව ලෝකයේ දීර්ඝායුෂ්ක සත්වයන්ගෙන් ද දිගු කළ විසීමේ රහස් සොයාගත හැකිවේ. ගොඩබිම වෙසෙන ඉතාම දීඝායුෂ්ක සත්වයන්ගෙන් එකෙකු නම් අලියායි. ඌ ශාක භක්ෂකය. හේතුව එයද අලියෙකුගේ සාමාන්‍ය වයස අවුරුදු 70යි. ඉදිබුවා ද දිගුකලක් වෙසෙයි. සාමාන්‍ය වයස අවුරුදු 100 ය.
සත්ත්ව ලෝකයේ ඉතා ම දිගු කලක් වෙසෙන සත්ත්වයා හැටියට හැඳින්වෙන්නේ මූදු මට්ටියා යි (sea clam) උගේ සාමාන්‍ය වයස අවුරුදු 500 කි.
මිනිසා අර්ථවත් ආකාරයෙන් වයසට යෑමේ විද්‍යාව, පෙර - අපර දෙදිග දියුණු රාජ්‍යවල ඉතා ප්‍රබල අධ්‍යයන අංශයකි.
ශ්‍රී ලංකාව වැනි දේශයක, අධි වයස පුද්ගලයන් සුලබ නැත.
මේ දේශයේ ජනතාවට, අර්ථවත් ලෙස නිකම් සයනගතව නොව ක්‍රියාශීලීව දීර්ඝායුෂ ලද හැකිවන ආකාරය පිළිබඳ ඉතා ම උච්ච මට්ටමේ වගකිවයුතු පර්යේෂණ පැවැත්වීමට මේ කාලයයි. අපගේ ඉපැරණි ඉතිහාසයේදි අපගේ ආදි මී මුත්තන් දිගුකලක් වාසය කළ බැව, වංශකථාගත වෙයි.
ඒ පිළිබඳව ක්‍රමවත් පර්යේෂණ පැවැත්වීම, අපටත් පොදුවේ මානව වංශයටත් අතිශයින් ම ඵලදායීය.
හැත්තෑවසක් සිරිලක පාලනය කළ පණ්ඩුකාභය රජු අවුරුදු 137ක් ජීවත් වූයේය. රහස කවරේද? අප විසින් ‍ලෝකයේ නවීන තම දීර්ඝායුෂදායක දියුණු පර්යේෂණවල ක්‍රමාවලි සෙවිය යුතුවේ.
අද අපගේ ගෙදරක උපදින දරුවෙකුට, බබෝ අවුරුදු 142ක් ජීවත් වන්නැයි ආශීර්වාද කරනු පිණිස, අපගේ දීර්ඝායුෂ විද්‍යා පර්යේෂණ උච්චාකාරයෙන් දියුණු කිරීම ජාතික වගකීමකි.

ජාතික කැරම් ශූරයා සහ ශූරිය සමඟ කතාබහක්















එක දිගට වැඩිම ශූරතා වාර්තාව මගේ

චමිල් කුරේ

ලෝකශූරිය වීම අනාගත බලාපොරොත්තුවයි

ජෝශප් රොෂීටා


මෙවර පැවැත්වුණු ජාතික කැරම් ශූරතා තරගාවලියේදී පිරිමි කේවල, පිරිමි යුගළ සහ මිශ්‍ර යුගල යන ඉවෙන්ට්ස් තුනම ජයග්‍රහණය කරල 12 වැනි වරටත් අපේ රටේ ජාතික කැරම් ශූරයා වෙන්න මට හැකිවුණා.
එතැනදී පිරිමි කේවල තරග අංශයේ අවසන් තරගයේදී මගේ ප්‍රතිවාදී තරග කරුවා වුණේ ලෝක ශුරයා වන නිශාන්ත ප්‍රනාන්දු. නිශාන්ත 2 – 0 ලෙස පරාජය කරලා ශූරතාව දිනාගන්න මට පුළුවන් වුණා.

නිශාන්ත ප්‍රනාන්දු වත්මන් ලෝක ශූරයා. ඔහු තමයි බොහෝ විට ඔබේ ප්‍රතිවාදියා වෙන්නෙ.
ඔව්, නිශාන්ත අපේ රටේ ඉන්න හොඳම සහ දක්ෂම ක්‍රීඩකයෙක්. මම කැරම් වලින් අගය කරන ක්‍රීඩකයෙක්. බොහෝ වෙලාවට අපි ලංකාව නියෝජනය කරමින් විදෙස් රටක තරගාවලියකට ගියා ම නිශාන්තයි මමයි තමයි හොඳටම සෙල්ලම් කරන ප්ලේයර්ස්ල වෙන්නෙ.
පහුගිය වසර 8 ක් 9 ක් තිස්සේ මේ ජාතික ශූරතාවලියේ අවසන් මහා තරගයේදී අපි දෙන්නා හමුවෙනවා. 2012 දී ඔහු මාව පරාජය කරලා ජාතික ශූරයා බවටත් පත්වුණා.

ඔබ කොහොමද ලෝක ශූරයා වන නිශාන්තව පරාජය කරන්න සැලසුම සකස් කරන්නෙ.
අපි දෙන්නා කවදාවත් එකට ප්‍රැක්ටිස් කරන්නෙ නෑ. ඒ මොකද එතකොට එකිනෙකාගේ තියෙන දුර්වලකම් ටැක්ටික්ස් හඳුනා ගන්නා නිසා. ඒ වගේ ම එකිනෙකාට තියෙන බය වගේ දේ එතකොට නැතිවෙනවා. මම බොහෝ වෙලාවට නිශාන්ත සෙල්ලම් කරන විදිහ ඔහුගේ ප්ලෑනින් ගැන දන්නවා.‍ ඒ වගේ ම මම හොඳට පුහුණුවීම් කරලා තරගයට සූදානම් වනවා.
ඉතින් මට ඒක ගොඩක් ප්‍රයෝජනවත් වෙන්න ඇති නිශාන්තව පරාජය කරන්න.

ඔබේ පුහුණුවීම් පිළිබඳව කතා කළොත්.
පුහුණුවීම් ගැන කතා කළොත් වර්තමානයේ ආමි, නේවි, එයා‍ෆෝස්, යන ත්‍රිවිධ හමුදාවට ප්ලේයර්ස්ල අරගෙන ෆ්‍රැක්ටිස් කරවල ඔවුන් හොඳ තත්වයකට ගෙනැවිත් තිබෙනවා‍. ඔවුන් උදේ 8.30 ට අත්සන් කරලා සවස 5 වනතුරු එක දිගට කැරම් සෙල්ලම් කරමින් පුහුණුවීම් වල යෙදෙනවා.
‍මම සෙලාන් බෑන්ක් එකේ වැඩ කරන්නෙ. ඔවුන් මට අවසර දෙනවා ප්‍රධාන කැරම් තරගයක් තියෙද්දී මාසයකට විතර කලින් ඉඳලා ප්‍රැක්ටිස් කරන්න.
මම ප්‍රැක්ටිස් කරන්නෙ තනිවම. ඒ එක්කම හොඳ තරගවල වීඩියෝ බලනවා. මගේ වීඩියෝත් බලනවා. එහෙම බලල මගේ අඩුපාඩු මොනවද කියල දැනගෙන ඒවා හදාගන්නවා.‍
මම පුහුණුවීම් කරන්න පටන් ගන්නෙ උදේ 4.30 ට 5.00 ට විතර නැගිටලා. කැරම් සෙල්ලම් කරන්න හොඳම වෙලාව තමයි ඒ. නිශ්ශබ්දව අපිට සිත එකඟ කරගෙන සෙල්ලම් කරන්න එතකොට පුළුවන්.
ඒ වගේ ම තනිවම සෙල්ලම් කරන කොට තවත් කෙනෙක් එක්ක සෙල්ලම් කරනවට වඩා ඉත්තො ප්‍රමාණයක් දැමෙනවා‍.
තමුන්ට පොඩ්ඩක් හිතල පිටිපස්සට බ්‍රේක් කරගෙන ස්ලෑම් වලටම ට්‍රයි කරන්න පුළුවන්.
මම දවසකට පැය 4 ක් විතර එක දිගටම ප්‍රැක්ටිස් කරනවා.

ඔබ මේ සම්බන්ධව ගුරුහරුකම් ලබාගන්නෙ කාගෙන්ද?
මම කැරම් පටන් ගත්තෙ ඒ කියන්නෙ මුලින් ම ඉගෙන ගත්තෙ මගේ ආච්චිගෙන්. මගේ අම්මා කැරම් චැම්පියන් කෙනෙක්. ලොකු අම්මා අවුරුදු 20 ක් ජාතික ශූරිය වෙලා හිටියා. ඒ කියන්නෙ මගේ ඇ‍ඟේ තියෙනවා කැරම් ගේම් එක හසුරුවන්නෙ කොහොමද කියලා. ඒ මිසක් මට පෞද්ගලික පුහුණුකරුවෙක් නෑ.
අපි ජාත්‍යන්තර තරගවලට යද්දී අපිට ජාතික පුහුණුකරුවෙක් සිටිනවා. ඉතින් අපි ඔහු යටතේ මාසයක් පමණ කැරම් සම්මේලනයේ පුහුණුවීම්වල යෙදෙනවා.
ඊට අමතරව මම ඉස්සෙල්ලා කිව්වා වගේ වීඩියෝ නරඹල ඒවයින් ගන්න පුළුවන් දේවල් ටික ඔක්කොම ගන්නවා.‍ මොකද අපිට තාමත් සමහර දේවල් ඉගෙන ගන්න තියෙනවා.
අපට ප්‍රධාන ප්‍රතිවාදියා වෙන්නෙ ඉන්දියාව.
ඔව්. ඉන්දියාවත් එක්ක බලද්දී අපි පොඩ්ඩක් පල්ලෙහායින් ඉන්නෙ. මොකද ඒ අයගෙ තරගකාරිත්වය වැඩියි. ඒ රටේ ප්ලේයර්ස්ල ගොඩක් ඉන්නවා. ඒ ගොල්ලන් හැම තිස්සෙම බලන්නෙ එක එක ටැක්ටිස්වලට ගිහිල්ලා කොහොම හරි ජයග්‍රහණය කරන්න. ඒත් නිශාන්ත ඉන්දියාවෙ ලෝක ශූරයා පරදවලා අපේ රටට ලෝක ශූරතාව අරගෙන ආවා.
ඉතින් අපේ ඒ මට්ටමට ඉන්නෙ මමයි නිශාන්තයි කියල තමයි දැන් ඉන්න පුහුණුකරුවන් ඇතුළු ඔක්කොමල කියන්නෙ.
මේ අවුරුද්දෙ ලෝක ශූරතාවලිය තියෙනවා එංගලන්තයේදී තව මාස 2 කින් පමණ ඒකට ප්‍රැක්ටිස් පටන් ගන්නවා. ගොඩක් කලින් ප්‍රැක්ටිස් පටන් ගන්නෙ අපි කොහොම හරි මෙවර ලෝක ශූරතාවලියේදී ලංකාව ජයග්‍රහණය කරවන්න ඕන හින්ද.
ඉතින් මමත් බලාපොරොත්තු වෙනවා ඒකෙදි විශේෂ දෙයක් කරන්න. මගේ ඉන්ඩිවිජුවල් ඉවෙන්ට් එක සහ ටීම් චැම්පියන්ෂිප් එක ජයග්‍රහණය කරවන්න.

අලුත් පරපුරේ දක්ෂයින් සමඟ ඔබට ශූරතාව දිගටම රැකගන්න පුළුවන් කියල හිතනවද?
කැරම් ක්‍රීඩාවට වයස් බේදයක් නෑ. නමුත් දැන් ඉන්න ‍පොඩි අය ගොඩක් දක්ෂයි. ලංකාවේ රෑන්කින්වල 3 වැනි තැන ඉන්නෙ අනාස් අහමඩ් කියන වයස 20 ක තරුණයෙක්.
අපිට ඉස්සරහට ලේසි වෙන එකක් නෑ අපේ තැන තියාගන්න. ඒ එක්කම දැන් කැරම්වලට තිබෙන උනන්දුව සහ අලුත් ක්‍රීඩකයින්ගේ පුහුණුව සමඟ මම හිතන්නෙ නෑ තව අවුරුදු පහක්වත් අපට ගහන්න හම්බ වෙන එකක් නෑ.

ලංකාවේ වාර්තාව තියෙන්නෙ ඔ‍බේ නමින්.‍
ඇත්තටම එක දිගට වැඩිම ශූරතා ප්‍රමාණයක් දිනාගත් ලංකාවේ වාර්තාව තියෙන්නෙ මගේ නමට‍. ඒ 2004 සිට 2012 දක්වා එක දිගට අවුරුදු 8 ක් මම ජාතික ශූරතාව දිනුවා. 2012 දී නිශාන්ත ශූරතාව දිනාගත්තා. ඉන්පසු 2013 සිට මේ දක්වා මම දැන් එක දිගට 4 වතාවක් ශූරතාව දිනාගෙන තිබෙනවා.

ඔබ කොහොමද මේ දක්ෂතාව එක දිගට රඳවා ගන්නෙ.
අවුරුදු 12 ක් ශූරතාව දිනනව කියන්නෙ ලේසි දෙයක් නෙමෙයි. පිටුපස හැරිල බලද්දී නිශාන්ත ෂෙරප්ඩීන් ව‍ෙග් දක්ෂ ප්ලේයර්ස්ල එක්ක කොහොමද එහෙම කළේ කියල හිතනවා වෙලාවකට.
ඒ එක්කම මම කොහොම හරි දිනන්න ඕන කියන අධිෂ්ඨානය තියෙනවා. ඒකට කැපවෙලා පුහුණුවීම් කරනවා. ඒ එක්කම මට ඒ ජයග්‍රහණය කරා යන්න වාසනාව තිබෙනවා කියල හිතනවා.

අනාගත බලාපොරොත්තු ගැන කතා කරමු.
ඉදිරිය ගැන කතා කරද්දී මේ අවුරුද්දෙත් මම කොහොම හරි දිනන්න ඕන කියල හිතුවා. මොකද වර්ල්ඩ් චැම්පියන් ෂිප් එක තියෙන හින්ද නැෂනල්ස් කියන්නෙ අපට තියෙන වැදගත්ම ටූනමන්ට් එක. ඒක පැරදුණොත් රෑන්ක් එක පොඩ්ඩක් පල්ලෙහාට එනවා.
කොහොම හරි මෙවර ලෝක ශූරතාවයේදී රටට විශේෂ ජයග්‍රහණයක් ලබා දෙන්න තමයි බලාපොරොත්තුව.

ඔබට උදව් කරන අය ගැන පැවසුවොත්.
මගේ ආච්චි කමලා වික්‍රමසිංහ. ඇය වසර 4 ක් ජාතික ශූරිය. අම්මා කැරම් ශූරියක්. මගේ ලොකු අම්මා අමිතා වික්‍රමසිංහ අවුරුදු 20 ක් ජාතික ශූරිය. ආච්චි තමයි මට කැරම් ඉගැන්නුවෙ.
මම ඉපදුණු දවසෙ ඉඳන්ම කැරම්වලට අවශ්‍ය හැම දේම ගෙදර තිබුණා.
හොඳම ඉත්තො සෙට් එක, ඩිෂ් එකේ ඉඳන් බෝඩ් එක දක්වා හොඳම දේ තිබුණා.
මගේ උනන්දුව විතරයි ඕන වුණේ. ඒ වගේ ම මම ඉගෙන ගත් නුගේගොඩ ශාන්ත ජෝන් විද්‍යාලයේ 1998 වර්ෂයේ කැරම් සංගමයක් ආරම්භ කරල අපට ඉගැන්වූ ලලිත් බන්දුල මහතාගෙන් මම ඉගෙන ගත්තා.
ඒ වගේ ම මම සේවය කරන්නෙ සෙලාන් බැංකුවේ. 2008 වසරේ ලෝක ශුරතාව දිනලා ආවට පස්සෙ ගෙයක් සහ වාහනයක් දුන්නා. ඊට අමතරව අපි ටුවර් යද්දී අවශ්‍ය පහසුකම් විශේෂයෙන් අපට ඕන ඩියුටි ලීව් මනසට කිසිම බාධාවක් නැතුව ලබා දෙනවා. ඒ නිසා බැංකුවේ නිලධාරි මණ්ඩලයට ස්තුතිවන්ත වෙනවා.
ඒ වගේ ම කැරම් සම්මේලනයේ වත්මන් සභාපති ප්‍රසාද් සමරසිංහ සහ ලේකම් තුම‍ූල නාඔටුන්න මහත්වරු ඇතුළු නිලධාරි මණ්ඩලයටත් ස්තුතිවන්ත වෙන්න ඕන.
ඔවුන් ලොකු උත්සාහයක් ගන්නවා අපේ රටේ කැරම් නඟා සිටුවන්න. හොඳම උපකරණවල ඉඳල ශාලා වායු සමනය කිරීම දක්වා ජාත්‍යන්තර මට්ටමටම අවශ්‍ය පහසුකම් ලබාදෙමින් හොඳ උත්සාහයක් ගන්නවා. ඒ නිසා ඉදිරියේදී අපේ රටේ කැරම් ක්‍රීඩාවේ හොඳ ප්‍රගතියක් දක්නට ලැබේවි.
ජෝශප් රොෂීටා මෙවරත් ජාතික ශූරිය බවට පත්වෙමින් ශ්‍රී ලංකාවේ අංක එකේ කැරම් ක්‍රීඩිකාව ලෙස කිරුළ දිනාගත්තා. ඇය අවසන් වටයේදී ගුවන් හමුදාවේ චලනි ලක්මාලි 2 – 0 ලෙස පරාජය කරමින් මෙම ජයග්‍රහණය වාර්තා කළා.
මේ වසරේ නැෂනල් චැම්පියන්ෂිප් එක දිනාගන්න මට හැකිවුණා. මේක මගේ 5 වැනි ශුරතාව.

ඔබේ පවුලේ තොරතුරු මුලින් ම සඳහන් කරමු.
මගේ අම්මා රිවෝලි රණසිංහ. තාත්තා ජෝශප් ඩග්ලස්. දැන් ජීවතුන් අතර නෑ. මට ඉන්නේ අක්කා පමණයි ඇය ජෝශප් ඩිල්කා.

කැරම් ක්‍රීඩාව ඔබටත් පවුලෙන් ලැබුණු දායාදයක් ද?
මෙහෙමයි. අම්මයි තාත්තයි මම පොඩි කාලෙ ගෙදර විනෝදයට කැරම් සෙල්ලම් කළා. ඒත් මම පොඩි ළමයෙක් නිසා මාව ගන්නෙ නෑ.
මගේ ජීවිතයට කැරම් පටන් ගත්තෙ 2006 වර්ෂයේදී පාසල් මට්ටමෙන්. මගේ පාසල බොරැල්ලේ සියලු ශාන්තුවරයන්ගේ බාලිකා මහා විද්‍යාලය. අපේ පාසලට PTI වලට ගුරුතුමියක් ආවා නිශානි කියලා. ඇය තමයි පාසලේ කැරම් පටන් ගත්තෙ. මමත් කැමැත්තෙන් ම ඊට සහභාගි වුණා.

මේ තරම් විශාල ජයග්‍රහණයක් තෙක් පැමිණි ගමන් මඟට මුල් ම අඩිතාලම වැටුණෙ කොහොමද?
මුලින් ම පාසලේ නිවාසාන්තර තරග කියල අපි අතරේ කැරම් ජනප්‍රිය කරවන්න නිශානි මිස් කටයුතු කළා.
ඊට පස්සෙ මාස 3 ක් වැනි කෙටි කාලයක් තුළ පැවැත්වුණු තරගාවලියේදී අපි බස්නාහිර පළාතේ ශූරියෝ වුණා. ඒක තමයි අපිට ලොකු ශක්තියක් වුණේ. පාසලේදී අපට කැරම් කෝච හැටියට කටයුතු කළේ ලසන්ත චමින්ද සර්. සර්ගෙ යටතෙ තමයි අපි පාසල් මට්ටමෙන් ක්‍රීඩා තරගවලට ඉදිරිපත් වුණේ. ඊට පස්සෙ අපි සමස්ත ලංකා මට්ටමට ආවා. ඒත් අපිට ජයග්‍රහණය කරන්න ලැබුණෙ නෑ.

පාසල් වයසේද‍ීම ඔබ ජාතික ශූරිය වනවා.
ඔව්. පාසල් මට්ටමින් මම විවෘත මට්ටමට ආවා. එහිදී ජූනියර් නැෂනල් චැම්පියන් වුණා. 17 න් පහළ 19 න් පහළ සහ 21 න් පහළ ලෙස එක දිගටම කනිෂ්ඨ ජාතික ශූරිය වුණේ මම.
2009 වසරේදී මම ශ්‍රී ලංකා ශ්‍රේණි මට්ටමට ආවා.‍ එහිදී මම ලංකාවෙන් 6 වැනියා වුණා. එතකොට පාසලේ වාණිජ අංශයෙන් උසස් පෙළ හදාරමින් හිටියේ.
2009 වසරේදී ම ශ්‍රී ලංකාවේ ‍ශ්‍රේණිගත කිරීම්වල තුන්වැනි තැනට ආවා.

ඉන්පසු ඔබ පළමු ජාත්‍යන්තර තරගයට සහභාගි වනවා.
ඔව්. 2009 දී මම ලංකාවේ අංක 3 බවට පත්වුණාට පසු ශ්‍රී ලංකාවේ ජාතික කණ්ඩායම නියෝජනය කරමින් ඉන්දියාවේ පැවැත්වුණු සාක් කැරම් තරගාවලියට සහභාගි වුණා. ඒ මගේ පළමු ටුවර් එක. මම එහි හොඳම අට දෙනා අතරින් 5 වැනි ස්ථානයට ආවා.

ඔබ ජාතික ශූරිය බවට පත්වුණේ මොන වස‍ෙර්දීද?
2010 වසරේදී මම මුලින් ම ජාතික ශූරතාව දිනාගත්තා. ඒ සමඟම මම ශ්‍රී ලංකාවේ අංක එකේ ක්‍රීඩිකාව බවට පත්වුණා.
ඒ අතරතුර කාලයේ 2 වුණා. 3 වුණා. දැන් ආයෙත් වසර තුනක් තිස්සේ ලංකාවේ අංක 01 ස්ථානය රැකගෙන ඉන්නවා.

ඔබේ රැකියාව ගැනත් කතා කරමු.
මම නාවික හමුදාවට බැඳිල ඉන්නෙ. ඇත්තෙන් ම නාවික හමුදාව පැත්තෙන් ගත්තම ලබාදෙන පහසුකම් ගැන අගය කරන්න ඕන.
නාවික හමුදාව තුළ කැරම්වලට විතරක් නෙමේ සෑම ක්‍රීඩාවකට ම අවශ්‍ය සෑම පහසුකමක් ම ලබාදෙනවා.
නාවික හමුදා සංචිතයේ ලෝක ශූර නිශාන්ත ප්‍රනාන්දු, ළහිරු එෂාන් සහ මධුෂිකා කාංචනමාලා මා සමඟ කැරම් ක්‍රීඩාවේ නියැළෙනවා.

ඔබ පුහුණුවීම් කරන්නේ කොහොමද?
බොහෝ වෙලාවට තනිවම තමයි පුහුණුවීම් කරන්නෙ. තරගයක් තියෙන කොට ජාතික පුහුණුකරුගෙන් උපදෙස් ලැබෙනවා. ඒ සමඟම චමිල් කු‍ෙර්, නිශාන්ත ප්‍රනාන්දු වැනි ප්‍රවීණයන්ගෙන් ලැබෙන ගුරුහරුකම් අරගෙන කැරම් දියුණු කරගන්න කටයුතු කරනවා.

ඔ‍ෙබ් පවුලෙන් ලැබෙන සහයෝගය.
මගේ තාත්තා හදිසි අනතුරකින් නැති වුණ දා ඉඳලා අම්මා මමයි අක්කවයි හොඳින් බලාගත්තා. ඒ එක්කම මම කැරම් ක්‍රීඩාවට යොමුවුණාම කිසිම දෙයක් කියන්නෙ නැතුව අවශ්‍ය හැම පහසුකමක්ම මට ලබාදුන්නා.‍ අම්මාගේ ඒ ශක්තිය තමයි අද මම ලංකාවේ අංක 01 ස්ථානයට ගෙනාවේ.

ඔ‍ෙබ් අනාගත බලාපොරොත්තුව.
දැන් මම ලංකාවේ ජාතික ශූරිය වෙලා ඉන්නෙ. ලෝක ශූරිය වීම තමයි අනාගත බලාපොරොත්තුව. ඒ සඳහා තමයි මේ දැඩි කැපවීමකින් යුතුව පුහුණුවීම් කරන්නෙ.
චමිල් කුරේට, ජෝශප් රොෂීටා දෙදෙනාට ලෝක ශූරතා දිනා ලක්මවට කීර්තියක් අත්කර දෙන්නට හැකිවේවායි රසඳුන සුබපැතුම්.

http://www.silumina.lk/2016/02/28/_art.asp?fn=av1602289