හොඳ ළමයෙක් මම
කුමුදු කීකරු ළමයෙක්. එයා දවසම වෙහෙසිලා වැඩ කරනවා. ඇගේ මල්ලි රවිඳු හරිම නරක ළමයෙක්. ඔහු පුංචි ළමයෙක් වුවත් රාත්‍රියේ රූපවාහිනිය නරඹන්න පුරුදු වුණා. යාළුවන් සමඟින් සවස් යාමේ සෙල්ලම් කරමින් විනෝද වුණා. පාසලෙන් දුන් වැඩ කළේ නෑ. ඒ නිසා රවිඳු පන්තියේ අන්තිමයා.
කුමුදු කොච්චර කීවත් වැඩ කරන්න කියා ඔහු ඒ අණට කීකරු වුණේ නෑ. රවිඳු බඩු තියාගත්තෙත් හරිම අපිළිවෙළටයි. දවසක් පන්තියේ පළමුවෙනියයි, දෙවැනියයි, තෙවැනියයි වූ බිංදු, චමරි, නයනා පන්තියේ ඉදිරියේ තෑගි ගන්නට පැමිණියා. රවිඳුට ගොඩක් දුක හිතුණා. රවිඳු ගෙදර ඇවිත් අක්කට මෙහෙම කිය කියා අඬන්නට වුණා. “මම අක්කා කියන දේ අහල පාඩම් කළා නම් මෙහෙම වෙන්‍ නෑ” ඔහු තවත් හයියෙන් ඇඩුවා.
මල්ලි ඔයා දැන් ඉඳලම පාඩම් කරන්න කුමුදු කීවා. රවිඳු හොඳට පාඩම් කරලා පන්තියේ පළමුවෙනියා වුණා. ඔහු ඔහුගේ බඩු ද පිළිවෙළට තබා ගත්තා. රවිඳු හොඳ ළමයෙක් වුණා. රවිඳුට හොඳ ළමයාට හිමි තෑග්ග ද ලැබුණා.
එම්.ඩී. අෂාණි මධුභාෂණී,
7 ශ්‍රේණිය ‘ඊ’,
මිහිඳු ම.ම. විද්‍යාලය,
අගලවත්ත
7 ශ්‍රේණිය ‘ඊ’,
මිහිඳු ම.ම. විද්‍යාලය,
අගලවත්ත
0 comments:
Post a Comment
ඔබගේ අදහස් අපට මහ මෙරකි