පරිස්සමට හිනා වෙවීආදරයෙන් රණ්ඩු වෙවී
වෙල් ඉපනැල්ලේ දිවූ හැටි
සිහි වෙනවා නිතර නිතර
දවසක් ඒදණ්ඩ දිගේ
මුලින් ම යන්නේ කවුදැයි
අපි විගහට ගමන් කළා
පය ලිස්සා වැටුණු විටදි
ඇඳි වත ගිලිහුණා වගේ
මූණු රතු වුණා මතකයි
බඩවැටිවල කජු ගස් මුල
රැයක් දවාලක් නැතිවම
ඔච්චම් කරමින් අපිටම
කුරුලු කිරිලි කිචි බිචියට
තාල ඇල්ලුවා මතකයි
නරි නයිදේ එළවාගෙන
උගෙ පස්සෙන් දිව ගෙන ගොස්
ආපස්සට ඌ එන විට
අප දිව්වා ගස් මුදුනට හති දාගෙන
කොයික කළත් අහිංසකයි
ආතා උකුළේ ඉඳ
නිඳි කුමරිය හා අත ගෙන
රෑ සිහිනෙන් බුදු සාදුට
වැන්දා මතකයි
එම්. ජී. ඩිල්කි නවෝදා
13 ශ්‍රේණිය,
අනුලා විද්‍යාලය,
නුගේගොඩ.
13 ශ්‍රේණිය,
අනුලා විද්‍යාලය,
නුගේගොඩ.
0 comments:
Post a Comment
ඔබගේ අදහස් අපට මහ මෙරකි