ඉලෙක්ට්‍රොනික කසළ අද ලෝකයේ බරපතළ පාරිසරික ප්‍රශ්නයක් බවට පත් වී තිබේ. ලෝකය පුරා ඊ- අපද්‍රව්‍ය මෙට්‍රික් ටොන් මිලියන 50ක් පමණ පොළොවට එකතු කරන අතර අපේ රටේ පමණක් වසරකට ඊ-කසළ මෙට්‍රික් ටොන් 60ක් 65ක් පමණ එකතු වන බව වාර්තා වේ. මෙයට ප්‍රධාන හේතුව ඉලෙක්ට්‍රොනික අපද්‍රව්‍ය කළමනාකරනය පිළිබඳ ප්‍රමාණවත් දැනුමක් ඒවා භාවිත කරන්නන් තුළ නොමැති වීමයි.
එක්සත් ජාතීන්ගේ ගෝලීය පරිසර අරමුදලේ සුළු මූල්‍යාධාර වැඩසටහන සහ ඩිජිටල් ෆිල්ම් ඇකඩමි එක්ව, ඉලෙක්ට්‍රොනික් අපද්‍රව්‍ය කළමනාකරණය පිළිබඳ ජනතාව දැනුම්වත් කිරීම සඳහා දීප ව්‍යාප්ත වඩියෝ දැන්වීම්, පුවත්පත් ලිපි, පෝස්ටර් නිර්මාණ විවෘත තරගයක් 2015 වසරේ පැවැත්විණි. එය සංවිධානය කරනු ලැබුවේ චිත්තාවේගික බුද්ධිය සහ ජීවන කුසලතා පුහුණු කිරීමේ කණ්ඩායම (Emotional Intelligence and Life skills Training Team (Gte) Ltd) විසිනි. එම තරගයට ඉදිරිපත් වූ නිර්මාණකරුවන් ඇගයීම වෙනුවෙන් 2015 දෙසැම්බර් 13 දින කොළඹ බණ්ඩාරනායක අනුස්මරණ අන්තර්ජාතික සම්මන්ත්‍රණ ශාලා පරිශ්‍රයේ පැවැති Be a change maker awards ceremony 2015 සම්මාන උලෙළේදී ප්‍රථම ස්ථානය ලබා ගත්තේ නුගේගොඩ සුජාතා විද්‍යාලයේ 2 වසරේ ඉගෙනුම ලබන සාරා සන්රුවී ශිෂ්‍යාවයි.
පාසල් අධයාපන කටයුතුවලට මෙන්ම පිහිනුම්, බැඩ්මින්ටන් සහ චෙස් ක්‍රීඩාවලටද දස්කම් දක්වන ඇය, සිංහල ගද්‍ය ගායනා සහ කියවීම් තරගවලින් පාසල් වර්ණ හිමි කර ගැනීමට සමත්ව සිටින්නීය.
http://www.silumina.lk/2016/02/07/_art.asp?fn=au1602071
0 comments:
Post a Comment
ඔබගේ අදහස් අපට මහ මෙරකි