2014 රාජ්‍ය ළමා නාට්‍ය උළෙලේ පස්වැනි දිනය වන අද (21) සිංහල නාට්‍ය දෙකක්, ඉංග්රීසි හා දමිළ ළමා නාට්‍ය එක බැගින් පස්වරු 5.00ට කොළඹ 07, නව නගර ශාලාවේදී වේදිකාගත කෙරේ.
ඒ අනුව බදුල්ල මධ්‍ය මහා විද්‍යාලයේ "අළු කිරිල්ලී", යාපනය, චුන්නාකම්මෙයික්කන්ඩන් මහා විද්‍යාලයේ "තෝට්මත්තු බොම්මෙයි", රත්නපුර පැල්මඩුල්ල නවෝද්‍යා විද්‍යාලයේ "ද රැට් ස්කූල්" , චූල දසනායක ගේ "ඇලන්ගේ සිහිනය" වේදිකාගත කෙරේ.
නොවැළැක්විය හැකි හේතුවක් නිසාවෙන් සෙනසුරාදා (18) ඉරිදා (19) දිනවල නාට්‍ය උළෙල නොපැවැත්විණි.
සිංහල, දෙමළ හා ඉංග්රීසි ළමා නාට්‍ය එක ම වේදිකාවේ දී පැවැත්වෙන මෙම ළමා නාට්‍ය උළෙලේ අවසන් වටය සඳහා භාෂා තුනෙන් ම සීමිත අංශයෙන් ළමා නාට්‍ය 30ක් හා විවෘත අංශයේ නාට්‍ය ළමා නාට්‍ය 18ක් තෝරාගෙන ඇත.
සංස්කෘතික හා කලා කටයුතු අමාත්‍යාංශයේ උපදෙස් පරිදි සංස්කෘතික කටයුතු දෙපාර්තමේන්තුව හා ශ්‍රී ලංකා කලා මණ්ඩලයේ රාජ්‍ය නාට්‍ය අනුමණ්ඩලය එක් ව 2014 රාජ්‍ය ළමා නාට්‍ය උළෙල සංවිධානය කරනු ලබයි.
http://sinhala.news.lk/news/entertainment/item/5305-2014
0 comments:
Post a Comment
ඔබගේ අදහස් අපට මහ මෙරකි