සැප්තැම්බර් මාසය එළැඹි වහා පතපොත ආශ්‍රිත සාහිත්‍යමය කලාංග පිළිබඳ ලෝකයෙහි අවධානය යොමු වන කාලවකවානුව උදා වෙයි. සාහිත්‍ය මාසය තුළ පොත් කියවීම කෙරෙහි සෘජු අවධානය යොමු කළ ද කියවීමෙහි පරමාර්ථය හුදෙක් අතට අසුවන ඕනෑම දෙයක් ඉවක් බවක් නොමැතිව කියවීම නොවේ. එසේ නම් යමක් පිළිබඳව දැනුම වර්ධනය කර ගනිමින්, නිවැරැදි අවබෝධයක් ධාරණ ශක්තියක් ගොඩනඟා ගනිමින් තම නිරවුල් කියවීම තුළින් තම ජීවිතය සඳහා එය ප්‍රායෝගිකව ගළපා ගැනීමේ අත්දැකීම මෙමඟින් හිමිවිය යුතුය.
පතපොත කියවීම තුළින් සත්‍ය වශයෙන් ම සිදුවනුයේ පුද්ගලයා නිරායාසයෙන් ම තම මනස අවබෝධ කරගනිමින් යථාර්ථය දැකීමයි. එමඟින් පුද්ගලයා නිරායාසයෙන්ම බුද්ධිමතෙකු ලෙස ප්‍ර‍ායෝගික අයුරින් තම චින්තන රටාව යාවත්කාලීන කරගනියි. තම මනස අවබෝධ කරගැනීම හේතුවෙන් මිනිසාගේ භෞතික ජීවන පැවැත්ම, ආර්ථික තත්ත්වය, උගත්කම පමණක් නොව අනෙකා හා ආධ්‍යාත්මික සුහදත්වය, අන්‍යොන්‍ය සමාජයී සබඳතාවය ද වර්ධනය වේ. කාරුණික බව, අනෙකාට ගරු බුහුමන් දැක්වීම, සමානාත්මතාවය, ඉවසීම, නිහතමානී බව ආදී ගුණාංග මෙමඟින් වර්ධනය වේ.
දැනුම, ආකල්ප, කුසලතා යන තෙකලාංගයන්ගෙන් මනස සශ්‍රීක කරගැනීමට හා සමාජීය යහපැවැත්ම කරා පුද්ගලයා යොමු කරවීමට ග්‍රන්ථ තුළින් ලැබෙනුයේ මහත් පිටිවහලකි.
එම්.ජී.ඩිල්කි නවෝදා
12 ශ්‍රේණිය ඊ,
අනුලා විද්‍යාලය, නුගේගොඩ.
12 ශ්‍රේණිය ඊ,
අනුලා විද්‍යාලය, නුගේගොඩ.
0 comments:
Post a Comment
ඔබගේ අදහස් අපට මහ මෙරකි