ගස් වවා ලොව ලස්සන කරමු

පරිසරය අපට දෙවියන් ලබා දී ඇති දායාදයකි. නමුත් දැන් ගස්වැල් විනාශ කර ඇති නිසා අපට සිදුවී ඇත්තේ හානියකි. පරිසරය අපිරිසුදු වාතයෙන් පිරී ඇත. රෝග නිසා ජීවීන්ට සිදුවී ඇත්තේ දුකෙන් කල් ගෙවීමටයි.

ගස්වැල් යනු පරිසරයට අවශ්‍යම අංගයකි. ශාක සතා සිවුපාවාට ද ආරක්ෂාව හා රැකවරණය ලබා දෙයි. අපට සෙවණ ද, ලෙඩට දුකට ඖෂධද, පරිසරයේ සුන්දරත්වය ආරක්ෂා කිරීමට ද ගස්වැල්වලට හැකිය. පරිසරය සුවඳවත් කරන්නට ද පුෂ්ප හා ඵලවලට හැකිය.

අපට ජලය ලැබෙන ප්‍රධානම මාර්ගය වර්ෂාවයි. වර්ෂාව ලබා දීමට ද පොළොවේ ජලය රඳවා ගැනීමට ද උදවු වෙන්නේ අපගේ ජීවය හා සමාන ශාකයි. පස සෝදා යෑම වළක්වා ගැනීමට ද උදව් වන්නේ මේ ගස්වැල්ය. දැව ලබා දෙන්නේ ද, අපට ඇඳුම් ලබා දෙන්නේ ද මෙම ශාකයි.

මෙවන් ප්‍රයෝජන රැසක් ලබා දෙන ශාක විනාශ කරන්නේ ද මිනිසාමය. කුඩා දරුවන් ලෙස අපි පැළ වවමු. ඒ පැළ හෙට දිනයේ අප රැක ගනු ඇත.

කේ.එම්.එම්.පී. කුමාරසිංහ

3 ශ්‍රේණිය,

දිද්දෙණිය මහා විද්‍යාලය,

දිද්දෙණිය.

http://silumina.lk/2015/05/10/_art.asp?fn=au150510