හිනාවෙන ඇස් දුටුවිට
කියා නිමකළ නොහැකිය සතුට
කුරුලු හඬ පරදන
නිතර කියවන පුංචි නැගණි
නිවසෙ සතුටය ඔබ
අපේ දිවියම එළිකළ
ජයලංකා ජයවර්ධන හේරත්
12 ශ්රේණිය ‘එන්’
මධ්ය මහා විද්යාලය,
අනුරාධපුරය.
Showing posts with label නිර්මාණ. Show all posts
Showing posts with label නිර්මාණ. Show all posts
Saturday, February 11, 2017
Friday, August 26, 2016
දරු සෙනෙහස හන්දා
ලේනා :- බත් ඇටයක් කන්නට නෑ මේ බළලා හින්දාරුදුරු ඇසින් ඌ මා දෙස බලන් ඉන්න හින්දා
බළලා :- අපේ වතිතෙ ගස් බෙනයක ෙල්න ඉන්න හින්දා
මේ ලේනා අයිති මටයි වරද කිමද මන්දා
මේ ලේනා අයිති මටයි වරද කිමද මන්දා
ලේනා :- ඕනතරම් ගේ ඇතුළේ කෑම බීම තිබෙනා
මා දඩයම් කරනු පිණිස උකුසු ඇසින් බලනා
මා දඩයම් කරනු පිණිස උකුසු ඇසින් බලනා
බළලා :- මස් කෑමට මට ඇල්මක් ආශාවක් තිබෙනා
ඔබයි මගේ දඩයම මම කුමක් කරමි ලේනා
ඔබයි මගේ දඩයම මම කුමක් කරමි ලේනා
ලේනා :- මගේ පැටව් මා එනතුරු බලා ඉන්න හින්දා
ඔබෙ දඩයම වෙන්නට මට නොහැකියි එම හන්දා
ඔබෙ දඩයම වෙන්නට මට නොහැකියි එම හන්දා
බළලා :- ඔබ ලෙසට ම අපෙ අම්මා මා රැකගත් හින්දා
ඔබට සමා දෙන්නම් මම දරු සෙනෙහස හන්දා
ඔබට සමා දෙන්නම් මම දරු සෙනෙහස හන්දා
සහස්රංග ගුණසේකර
9 ශ්රේණිය ‘බී’,
සුභාරතී මහාමාන්ය ම.වි.
ගොඩගම.
ලෝකයේ ඇති එකම ඇත්දළ තොරණ දුටුවෙමි
මධ්යම පළාතේ නුවරඑළිය දිස්ත්රික්කයේ කොත්මලේ කොට්ඨාසයේ මැදපනේ කෝරලේ පුසුල්පිටිය රජමහා විහාරය පිහිටා ඇත. මෙය ඓතිහාසික වටිනාකම් රාශියකින් යුක්ත විහාරස්ථානයකි. ගැමුණු කුමරු තම පියාගේ මරණය සිදුවන විට සැඟවී සිටියේ ද මේ පුසුල්පිටිය විහාරයේ බව පැරැණියෝ පවසති. ගැමුණු කුමරු විසින් සාදන ලද චෛත්යයක් ද ඇති බව මුතුනි මිත්තෝ පවසති.
පසුගිය දිනක අපි පුසුල්පිටිය රජමහා විහාරයේ වැඩ සිටින අෂ්ටඵල බෝධියට බෝධි පූජාවක් පැවැත්වීමට ගියෙමු. එහිදී විහාරාධිපති හිමියෝ ලෝකයේ ඇති එකම ඇත්දළ තොරණ පෙන්වූහ. එය ‘දළකඩ තොරණ’ නමින් හැඳින්වෙන බව ඒ හිමියෝ පැවසූහ. ක්රි.ව. 1344 ගම්පොළ රාජ්ය සමයේ රජ කරවූ 4 වැනි බුවනෙකබාහු රජු විසින් ඉදිකරන ලද ගොඩනැඟිල්ලක මෙය නිමකර ඇති බවත් ඒ හිමියෝ පැවසූහ. මම එම ගොඩනැඟිල්ලට ඇතුළු වන විට දැනුණේ රජකාලේ ගොඩනැඟිල්ලකට ඇතුළු වනවාක් මෙනි.
පුසුල්පිටිය රජමහා විහාරය අසල ඇති ගැමුණු කුමරු ස්නානය කළ ස්ථානය ද අපි දුටුවෙමු. ගල්වල ලියා ඇති සෙල්ලිපි ද පුසුල්පිටිය රජමහා විහාරයේ ඉතිහාසයට නෑකම් කියයි. ඉංග්රිසි පාලන සමයේ දන්ත ධාතුන් වහන්සේ සඟවා තිබූ දළඳා අසපුවද මෙහිදී දැකගත හැක. ඓතිහාසික පුසුල්පිටිය රජමහා විහාරයට පැමිණිය හොත් ඉතිහාසය පිළිබඳව බොහෝ දෑ ඉගෙනගත හැකි බව මට හැඟිණි.
පුසුල්පිටිය රජමහා විහාරය අසල ඇති ගැමුණු කුමරු ස්නානය කළ ස්ථානය ද අපි දුටුවෙමු. ගල්වල ලියා ඇති සෙල්ලිපි ද පුසුල්පිටිය රජමහා විහාරයේ ඉතිහාසයට නෑකම් කියයි. ඉංග්රිසි පාලන සමයේ දන්ත ධාතුන් වහන්සේ සඟවා තිබූ දළඳා අසපුවද මෙහිදී දැකගත හැක. ඓතිහාසික පුසුල්පිටිය රජමහා විහාරයට පැමිණිය හොත් ඉතිහාසය පිළිබඳව බොහෝ දෑ ඉගෙනගත හැකි බව මට හැඟිණි.
ඒ.එච්. බුද්ධිකා සංජීවනී
9 ශ්රේණිය,
ශ්රී ධර්මෝදය දහම් පාසල,
මෑතගම.
Tuesday, April 19, 2016
ආප්ප සවුදම
තුන් තුඹ මල් තුනක් ගනින්මාල ගොතන නූල ගනින්
හීන් පබලු පොටක් ගනින්
නෑනණ්ඩිගෙ කරේ බඳින්
කළු කපුටෙක් උඩ ඉඳගෙන කරව් කරන්නා
සුදු කපුටෙක් උඩ ඉඳෙගන පියලි ගණින්නා
ඒ මැද්දේ නයි පැටියෙක් පෙණේ කරන්නා
තාන දොමිති අපි ඉඳගෙන රබන් ගසන්නා
සුදු කපුටෙක් උඩ ඉඳෙගන පියලි ගණින්නා
ඒ මැද්දේ නයි පැටියෙක් පෙණේ කරන්නා
තාන දොමිති අපි ඉඳගෙන රබන් ගසන්නා
රැල්ල රැල්ල පිට රැල්ලෙන් රැල්ලට
මූදෙන් ගොඩ ගසතෙයි
වැල්ල වැල්ල පිට - මීගොමු වැල්ලේ
ගෑනු මාළු ගණිතෙයි - තෙතෙයි තෙයි
ගෑනු මාළු ගණිතෙයි
මූදෙන් ගොඩ ගසතෙයි
වැල්ල වැල්ල පිට - මීගොමු වැල්ලේ
ගෑනු මාළු ගණිතෙයි - තෙතෙයි තෙයි
ගෑනු මාළු ගණිතෙයි
හාල් මිටක් ගෙන වණේ දමාලා
කෙළ මෝලෙන් තළතෙයි
පෙනේරයක් ගෙන ඒකෙ දමාලා
ඇතුල්පතට බාතෙයි
කෙළ මෝලෙන් තළතෙයි
පෙනේරයක් ගෙන ඒකෙ දමාලා
ඇතුල්පතට බාතෙයි
ලොකු හැළියක් ගෙන ඊට දමාලා
උකුවට දිය කරතෙයි
ආප්ප සවුදම ඔන්න ගහනවා
මැද මහතෙන් බාගෙයි
උකුවට දිය කරතෙයි
ආප්ප සවුදම ඔන්න ගහනවා
මැද මහතෙන් බාගෙයි
කැවුම් හොරා
රංසගේ අප්පච්චි අත්තම්මට කිව්වා “අම්මේ, අවුරුද්දට කැවිලි හදමුද?” කියල
අත්තම්මා “ඔව් පුතේ අපේ පුංචි පැටවුන්ට රස කැවිලි ටිකක් හදල දෙන්න ඕනැ තමා.
අප්පච්චි හාල්, කිතුල් පැණි, පොල් තෙල් ගෙනැල්ලා දුන්නා. අත්තම්මා හාල් දියේ පෙඟෙන්නට දැමුවා. පෙඟුණු හාල් වංගෙඩියේ දමා කොටන්ට අපේ ගෙදර හැමෝම අත්තම්මට උදව් වුණා.
ඔන්න අත්තම්මා කැවුම් හදන්ට සූදානම්. පැණි උණු කරල පිටියි පැණියි එකට කලවම් කරල දියාරුවක් හදා ගත්තා. ඊළඟට තෙල් තාච්චිය ළිප උඩ තියල රත් කළා. “දැන් අපි කොණ්ඩ කැවුම් හදමු” කියල අත්තම්මා ළිප ළඟ වාඩි වෙලා නටන තෙලට පිටි හැන්දක් වක් කරල ඒ මැද්දට කූරක් ගසා හැන්දෙන් තෙල් ඉස ඉස කැවුම් ගෙඩියේ කොණ්ඩය වඩමින් කැවුම් බැද්දා.
චාස්! චූස්! චෝස්! චුරු චුරු සද්දෙන් තෙල් තාච්චිය මැද්දේ කැවුම් බැදෙනවා. ගෙදර හැම තැනම කැවුම් සුවඳේ බෑ! අත්තම්මා බඳින බඳින කැවුම් අපි නැවුම් මැටි මුට්ටියට දැම්මා. උණු උණුවේ කැවුම් හරිම රසයි. ටික වෙලාවකින් කැවුම්වලින් මුට්ටිය පිරුණා. අත්තම්මා කැවුම් මුට්ටිය පිරිසුදු වැස්මකින් වසා කුස්සියේ මේසය පැත්තකින් කැවුම් මුට්ටිය තැබුවා.
මෙන්න! දවසක් කුස්සියේ මේසය උඩ කැවුම් කෑලි වැටිලා! අත්තම්මා කැවුම් මුට්ටිය බලන කොට කැවුම් අඩු වෙලා! අත්තම්මා ඉන්පසු කැවුම් මුට්ටියෙන් කොටසක් වෙනම මුට්ටියකට දමා වැස්මකින් වහල කුස්සියේ වෙනත් තැනක තැබුවා. මුලින් ම කැවුම් තිබූ මුට්ටියට කොහොල්ලෑ ගාපු කැවුම් කීපයක් දමා මුට්ටිය නැවත වසා තැබුවා. කුස්සිය පැත්තේ රංස කෑගසන සද්දේ ඇසුණා. රංස අතේ කැවුමක් තියාගෙන “මගෙ අත ඇලවෙනවා නූල් නූල් ඇදෙනවා කිය කියා” කොහොල්ලෑ ගාගෙන කුස්සියේ එහාට මෙහාට දුවනවා. මෙහෙම දුවන රංස දැකල “අද මම කැවුම් හොරා අල්ලා ගත්තා” කියල අත්තම්මා හිනාවුණා. කුස්සියට ආපු අම්මයි, අප්පච්චියි, අයියයි රංස ගේ හැටි දැකල හිනා වුණා.
ඉන්පසු අත්තම්මා “මගෙ පොඩි පුතාගේ කොහොල්ලෑ මම අරින්නම්” කියල පොල් තෙල් බෝතලය ගෙනල්ලා පොල්තෙල් රංස මල්ලිගේ අත් දෙකේ ගාලා කොහොල්ලෑ අයින් කරලා අත් දෙක පිරිසුදු කළා.
ඉන්පසු අත්තම්මා “මගේ පුංචි පුතාට රස කැවුම් දෙන්නම්” කියල අනිත් මුට්ටියෙන් කැවුම් අරගෙන පිඟානකට දාල රංස මල්ලිට කන්ට දීල “ආයේ එහෙම කැවුම් හොරෙන් කනවා එහෙම නෙවෙයි” කියල රංස කැවුම් කන හැටි ආදරයෙන් බලා සිටියා.
Monday, March 7, 2016
“ආ... එහෙමද? එහෙනම් මට මේ රුපියල් දහයේ තේ එක දෙන්න”
එක්තරා දරුවකු පාසල ඇරී වීදියට ආවේ දැඩි පිපාසයකිනි. ඔහු ළඟම තිබුණු අවන්හලට ගොඩ වූයේ සිසිල් බීම බෝතලයක් මිලදී ගැනීමට ය.
“මේ බීම බෝතලය කීයද?” දරුවා අවන්හල් සේවකයාගෙන් විමසීය.
“රුපියල් විස්සයි පුතේ” ඔහු පිළිතුරු දුන්නේ ය.
“මේ බීම බෝතලය කීයද?” දරුවා අවන්හල් සේවකයාගෙන් විමසීය.
“රුපියල් විස්සයි පුතේ” ඔහු පිළිතුරු දුන්නේ ය.
“ආ... එහෙමද? එහෙනම් මට මේ රුපියල් දහයේ තේ එක දෙන්න” කියමින් හෙතෙම අසුන් ගත්තේ ය. ළමයා අත රුපියල් විස්සක් තිබෙනු දුටු සේවකයා දරුවා ගැන පුංචි වුණත් තියෙන ලෝබකම යැයි සිතුවේ ය. තේ එක බී මුදල් ගෙවා දරුවා පිටව ගියේ ය.
මේසය අස් කිරීමට පැමිණි සේවකයා විමතියට පත් විය. මේසය මත රුපියල් දහයකුත් කඩදාසියකුත් විය. එහි ලියා තිබුණේ “මේක ඔයාටයි මාමේ” යනුවෙනි. ඔහුගේ දෙනෙතට කඳුළු ඉනුවේ ය. සේවකයා ගැන අනුකම්පා කර දරුවා තේ එක මිලදී ගෙන ඇත්තේ රුපියල් දහයක් සේවකයාට දීමට අවැසි නිසා ය.
බලන්න මොහු කොයිතරම් යහපත් දරුවෙක් ද කියා.
(මෙය මෙරට සිදුවූ සත්ය කතාවකි)
බලන්න මොහු කොයිතරම් යහපත් දරුවෙක් ද කියා.
(මෙය මෙරට සිදුවූ සත්ය කතාවකි)
ධනුක හංසික ජනනාත්,
8 ශ්රේණිය ‘ඩී’,
ශාන්ත තෝමස් කුමර විදුහල,
මාතර.
8 ශ්රේණිය ‘ඩී’,
ශාන්ත තෝමස් කුමර විදුහල,
මාතර.
“මේ තල ගහ පීදෙන්ට ළඟයි. කපන්ට ඕනෑ”
තල මලේ වරුණ
පසුගියදා මා අත්තා සමඟ විවේකීව සිටින විට ගෙමිදුලට මඳක් දුරින් තිබූ තල ගස පෙන්වා “මේ තල ගහ පීදෙන්ට ළඟයි. කපන්ට ඕනෑ” යැයි අත්තා කීවේය. “ඇයි අත්තේ තල ගස කපන්නෙ?” යැයි මම අත්තාගෙන් විමසුවෙමි. එවිට අත්තා මට තල ගස ගැන තොරතුරු කියා දුන්නේය.
අතීතයේ තල ගසින් බොහෝ ප්රයෝජන ගැනුණි. තල ගොබ ඉරා තම්බා, මඳ පවනේ වේළා පැදුරු, මාගල් වට්ටි, පෙට්ටි, විසිතුරු භාණ්ඩ, බිත්ති සැරසිලි ආදිය නිර්මාණය කිරීමට යොදා ගැනිණි. ඒ කාලයේ අකුරු ලිවීමට ද තල ගොබ යොදා ගනු ලැබිණි. එමෙන් ම පණිවිඩ යැව්වේ ද තල ගොබයේ ලියාය.
තලපත්වල අකුරු ලිවීමට වෙනමම පෑනක් තිබිණි. එය ලෝහ කූරක අග සිහින්ව උල්කර තැනූ උපකරණයකි. එය හැඳින්වූයේ පන්හිඳ නමිනි. තලපතේ පන්හිඳෙන් ලිවූ විට අපැහැදිලිය. එනිසා කළු මැදිය යුතුය. පාන්කඩයක් පොල් තෙලෙහි ඔබා, පුලුස්සාගත් අළු පොල් තෙල් සමඟ මිශ්ර කොට අකුරු ලියූ තල පත්වල අතුල්ලා රෙදි කඩකින් පිස දැමූ විට පන්හිඳෙන් තලපතෙහි ලියූ දේ පැහැදිලිව පෙෙන්.
තලපත්වල අකුරු ලිවීමට වෙනමම පෑනක් තිබිණි. එය ලෝහ කූරක අග සිහින්ව උල්කර තැනූ උපකරණයකි. එය හැඳින්වූයේ පන්හිඳ නමිනි. තලපතේ පන්හිඳෙන් ලිවූ විට අපැහැදිලිය. එනිසා කළු මැදිය යුතුය. පාන්කඩයක් පොල් තෙලෙහි ඔබා, පුලුස්සාගත් අළු පොල් තෙල් සමඟ මිශ්ර කොට අකුරු ලියූ තල පත්වල අතුල්ලා රෙදි කඩකින් පිස දැමූ විට පන්හිඳෙන් තලපතෙහි ලියූ දේ පැහැදිලිව පෙෙන්.
අතීතයේ හඳහන් ලියන්නේ ද තල පතෙහිය. යන්ත්ර මන්ත්ර, වෙද හෙදකම් ආදී දේවල් ලියා තැබුවේ ද තලපත්වලය. අගනා මිණි මුතු, මැණික්, රන්, රිදී වැනි වටිනා වස්තු රජවරු, සිටුවරු නිධන් කොට තැබූහ. ඒ පිළිබඳ ලියා තැබුවේ ද තලපත්වලය. මෙය නිධන් වදුල ලෙස හඳුන්වයි.
තල ගසෙන් පිටි ද ලබාගත හැක. ගස පීදෙන්නට ළංවන විට කපා තල බඩය වංගෙඩියේ දමා කොටා ජලය වත්කොට රොඩු සියල්ල ඉවත්කොට තැබීමෙන් පිටි ජල බඳුනේ පතුලේ තැන්පත් වෙයි. ඉන්පසු ජලය ඉවත් කර අව්වේ වේලා ගනී. මේ පිටිවලින් ආප්ප, ඉඳිආප්ප, පිට්ටු, කැවුම්, කොකිස්, කේක් වැනි කෑම සාදා ගත හැකිය.
ආරණ්යගත භික්ෂූන් වහන්සේ හා රාමඤ්ඤ නිකායික භික්ෂූන් වහන්සේ කුඩය වෙනුවට තල් අත්ත භාවිතා කළහ. ගොවියා තල ගසේ කඳ ලියැදි හරහා ජලය එහා මෙහා යෑමට යොදා ගනු ලැබිණි.
තල ගසෙන් පිටි ද ලබාගත හැක. ගස පීදෙන්නට ළංවන විට කපා තල බඩය වංගෙඩියේ දමා කොටා ජලය වත්කොට රොඩු සියල්ල ඉවත්කොට තැබීමෙන් පිටි ජල බඳුනේ පතුලේ තැන්පත් වෙයි. ඉන්පසු ජලය ඉවත් කර අව්වේ වේලා ගනී. මේ පිටිවලින් ආප්ප, ඉඳිආප්ප, පිට්ටු, කැවුම්, කොකිස්, කේක් වැනි කෑම සාදා ගත හැකිය.
ආරණ්යගත භික්ෂූන් වහන්සේ හා රාමඤ්ඤ නිකායික භික්ෂූන් වහන්සේ කුඩය වෙනුවට තල් අත්ත භාවිතා කළහ. ගොවියා තල ගසේ කඳ ලියැදි හරහා ජලය එහා මෙහා යෑමට යොදා ගනු ලැබිණි.
තලමල අලංකාර වූවත් ගැමි ජනයා තල මලක් පිපීම අසුබ නිමිත්තක් ලෙස සලකති. තලමලක් පිපීමට අවුරුදු 50-60 ක් පමණ කාලයක් ගතවෙයි. ගසේ සිදුවන වෙනස් වීම් මඟින් තල මලක් පිපීමට ආසන්න බව ගැමියා දැන ගනියි. එවිට මල පිපෙන්නට ඉඩ නොදී ගස කපා දමති. තල මලක් පිපුණහොත් ගම් හතක් පාළු වන බව ගැමියෝ විශ්වාස කරති.
අනෙකුත් ගස්වල මල් පිපෙන්නේ අතුවල හෝ කඳේය. තල ගසේ මල පිපෙන්නේ ගස මුදුනේය. පිපෙන්නේ ද එක් මලක් පමණි. තල මලක් මෝරා වැඩෙන විට කෘමි සත්තු විශාල සංඛ්යාවක් ඊට එකතු වෙති. මලේ සවි බලය නැති වුණු විට සත්තු බිමට වැටෙති, ඈතට විසිරීයති. මේ කෘමි සත්තු බෝගවලට බොහෝ හානි පමුණුවති. ගැමියෝ තලමල පිපීමෙන් ගම් හතක් පාළු වන බව විශ්වාස කරන්නේ මේ හේතුවෙන් විය හැකිය.
අනෙකුත් ගස්වල මල් පිපෙන්නේ අතුවල හෝ කඳේය. තල ගසේ මල පිපෙන්නේ ගස මුදුනේය. පිපෙන්නේ ද එක් මලක් පමණි. තල මලක් මෝරා වැඩෙන විට කෘමි සත්තු විශාල සංඛ්යාවක් ඊට එකතු වෙති. මලේ සවි බලය නැති වුණු විට සත්තු බිමට වැටෙති, ඈතට විසිරීයති. මේ කෘමි සත්තු බෝගවලට බොහෝ හානි පමුණුවති. ගැමියෝ තලමල පිපීමෙන් ගම් හතක් පාළු වන බව විශ්වාස කරන්නේ මේ හේතුවෙන් විය හැකිය.
හිරුදිනී කුමාරි විජේතිලක
9 ශ්රේණිය ‘කිව්’,
ඩඩ්ලි සේනානායක මධ්ය විද්යාලය,
තෝලංගමුව.
9 ශ්රේණිය ‘කිව්’,
ඩඩ්ලි සේනානායක මධ්ය විද්යාලය,
තෝලංගමුව.
http://www.silumina.lk/2016/03/06/_art.asp?fn=au160306
Monday, February 29, 2016
දිවියා සහ වසුපැටියා
දවසක් වසු පැටියෙක් තනියම තණකොළ කකා ඇවිදගෙන ගියා. මේ යන අතරතුරේදී ලොකු වතුර පිපාසයක් දැනිල ළඟ තිබුණු දියකඩිත්තකින් වතුර බොන්ට ලෑස්ති වුණා. මෙහෙම වතුර බොන්ට දියකඩිත්තට එන සතුන් අල්ලාගෙන කෑම දිවියාගේ සිරිතකි.මේ වහුපැටියත් එහෙම හැංගිලා හිටපු දිවියකුට අසුවුණා. වසු පැටියා හොඳටම බයවෙලා දිවියට කියනවා.
“අනේ! මේ මොකටද මාව අල්ලගන්නෙ? ඔයාගෙ බඩපිරෙන තරමට මගේ මස් නෑ. මම ළපටි මස් තියෙන කෙනෙක්. මගේ මස් රස නෑ. මාව අතහරින්ට.” වසුපැටියා දිවියට පින්සෙණ්ඩු වුණා.
“ටික දවසකින් මම ලොකු වේවි වැඩියෙන් තණකොළ කෑවාම. මම එහෙම ලොකු වුණාම ඔබට කෑම සඳහා මෙතැනටම එනවා. එතකොට ඔයාට හිත පුරාම මගෙ මස් කෑමට පුළුවන්.” මේ විදිහට වසුපැටියා දුක කියනකොට දිවියට දුක හිතුණා.
“ඔයා ඔය කියන්නෙ ඇත්තමද?” දිවියා අහනවා.
“ඔයා ලොකු වුණාම මගෙ ගොදුරට එනව ද?”
“මට මෙතරම් උපකාරයක් කරපු ඔබ අමතක කරන්නෙ නෑ. සත්තයි මම මෙතැනටම එනවා ඔබගෙ ගොදුර සඳහා” වසුපැටියා කිව්වා.
“හා හොඳයි මට අද ලොකු බඩගින්නක් නෑ. ඔබේ ඉල්ලීමට මම ඉඩ දෙනවා. හැබැයි, වසු පැටියෝ කියපු වචනෙ වෙනස් කරන්ට එපා!” දිවියා කියනවා.
හැබැයි මේ දිවියා ගිවිසුම් ලකුණක් හැටියට වසුපැටියගෙ කනෙන් කුඩා කොටසක් කඩා ගත්තා.
“ඔයා ඔය කියන්නෙ ඇත්තමද?” දිවියා අහනවා.
“ඔයා ලොකු වුණාම මගෙ ගොදුරට එනව ද?”
“මට මෙතරම් උපකාරයක් කරපු ඔබ අමතක කරන්නෙ නෑ. සත්තයි මම මෙතැනටම එනවා ඔබගෙ ගොදුර සඳහා” වසුපැටියා කිව්වා.
“හා හොඳයි මට අද ලොකු බඩගින්නක් නෑ. ඔබේ ඉල්ලීමට මම ඉඩ දෙනවා. හැබැයි, වසු පැටියෝ කියපු වචනෙ වෙනස් කරන්ට එපා!” දිවියා කියනවා.
හැබැයි මේ දිවියා ගිවිසුම් ලකුණක් හැටියට වසුපැටියගෙ කනෙන් කුඩා කොටසක් කඩා ගත්තා.
ඔහොම ටික කලකින් වසුපැටියා වැඩුණු ගොන් නාම්බෙක් වුණා. ඌට ශක්තිමත් අං තට්ටුවකුත් තිබුණා. එක දවසක් දිවියාට ගොන් නාම්බා මුණ ගැහුණා. දිවියට තරහ ගිහින් “උඹ ඔය වචනය ඉෂ්ට කරපු හැටි ද? හොඳයි, අද මම උඹව කනවා” කියල ගොන් නාම්බාට පනින්න ලෑස්ති වුණා.
“මගේ වචනෙ ඉෂ්ට කරන්ට තමා මෙතැනට ආවේ. ඉතින් ඉස්සර වෙලා ඔයා කැලේට ගිහින් කබරැස්ස වැලක් ගෙනල්ලා මා බඳින්ට. නැත්නම් මං බයවෙලා දුවන්ට පුළුවන්”
ඉතින් දිවියත් කැලේ තිබුණු කබරැස්සා වැලක් ඇදගෙන ඇවිල්ලා ගොන් නාම්බාගෙ කරේ එක කෙළවරක් ගැටගහල අනිත් කෙළවර දිවියගෙ කරේ ගැට ගහගත්තා.
ගොන් නාම්බා කියනවා “මා දිව්වත් ඔබට මා අල්ලා ගන්ට පහසුයිනේ.”
“මගේ වචනෙ ඉෂ්ට කරන්ට තමා මෙතැනට ආවේ. ඉතින් ඉස්සර වෙලා ඔයා කැලේට ගිහින් කබරැස්ස වැලක් ගෙනල්ලා මා බඳින්ට. නැත්නම් මං බයවෙලා දුවන්ට පුළුවන්”
ඉතින් දිවියත් කැලේ තිබුණු කබරැස්සා වැලක් ඇදගෙන ඇවිල්ලා ගොන් නාම්බාගෙ කරේ එක කෙළවරක් ගැටගහල අනිත් කෙළවර දිවියගෙ කරේ ගැට ගහගත්තා.
ගොන් නාම්බා කියනවා “මා දිව්වත් ඔබට මා අල්ලා ගන්ට පහසුයිනේ.”
මෙහෙම කියපු ගොන් නාම්බා වලිගය කෙළින් කරගෙන දුවන්ට වුණා. වැලේ අනිත් කෙළවරේ ඉන්න දිවියත් ගොන් නාම්බා පස්සෙ ඇදි ඇදී ගස් ගල්වල හැපි හැපී යනවා. ඒ යන ගමන් දිවියට හිතෙනවා “මම මේ ගොන් නාම්බට රැවටුණා” කියලා දිවියා කවියක් කියනවා.
පොඩිකොට නොකෑ කොට
ලොකු කොට කන්ට බැරි කොට
මා අත වරද කොට
ගස්ස ගස්සා නාදු කන් කොට
මේක ඇහුණ ගොන් නාම්බා කියනවා
බාලෙදි නොහැකි කොට
ගැලවී ගියා දඟ කොට
දැන් හැකි නිසා මට
තෝත් ඇදගෙන යනවා නිරයට
ලොකු කොට කන්ට බැරි කොට
මා අත වරද කොට
ගස්ස ගස්සා නාදු කන් කොට
මේක ඇහුණ ගොන් නාම්බා කියනවා
බාලෙදි නොහැකි කොට
ගැලවී ගියා දඟ කොට
දැන් හැකි නිසා මට
තෝත් ඇදගෙන යනවා නිරයට
ගොන් නාම්බා කවිය කියල වේගයෙන් දුවන්ට පටන් ගත්තා. ටික වේලාවකින් දිවියා ගල්මුල්වල හැපිලාම තුවාල වුණා.
ගොන් නාම්බා මඟ නැවතිලා හිතනවා කුඩා කල මාව අල්ලාගෙන කෑවෙ නැහැනෙ. ලොකු වුණාම කන්ට පොරොන්දු වෙලා මාව අතහැරියනෙ. එහෙම හිතල ගොන් නාම්බා කබරොස්ස වැලේ කෙළවර දිවියගෙ කරෙන් ගලවල නිදහස් කළා. දිවියා අමාරුවෙන් ගාට ගාට කැලේ ඇතුළට ඇවිදගෙන ගියා.
(ජනකතාවක් ඇසුරෙනි.)
ගොන් නාම්බා මඟ නැවතිලා හිතනවා කුඩා කල මාව අල්ලාගෙන කෑවෙ නැහැනෙ. ලොකු වුණාම කන්ට පොරොන්දු වෙලා මාව අතහැරියනෙ. එහෙම හිතල ගොන් නාම්බා කබරොස්ස වැලේ කෙළවර දිවියගෙ කරෙන් ගලවල නිදහස් කළා. දිවියා අමාරුවෙන් ගාට ගාට කැලේ ඇතුළට ඇවිදගෙන ගියා.
(ජනකතාවක් ඇසුරෙනි.)
එනිදු සුපසන් ප්රේමසුන්දර
3 ශ්රේණිය ‘බී’,
කේරි විදුහල, කොළඹ - 08
3 ශ්රේණිය ‘බී’,
කේරි විදුහල, කොළඹ - 08
http://silumina.lk/2016/02/28/_art.asp?fn=au160228
Friday, February 26, 2016
flying Colors චිත්ර ප්රදර්ශනය ගෙනෙන හෂිනි හිමාෂා
“හැඟීම් ප්රකාශනය චිත්ර කලාවේ මූලික ලක්ෂණයක්. සමකාලීන සමාජ අත්දැකීම් විෂය කරගන්නා විට එය වඩාත් සියුම් හා තීව්රාකාරයෙන් ඉදිරිපත් කළ හැකියි.” flying Colors මැයෙන් තම ප්රථම ඒක පුද්ගල චිත්ර ප්රදර්ශනයට සූදානම් වන යොවුන් චිත්ර ශිල්පිනියක වන හෂිනි හිමාෂා එසේ පවසයි.
මෙය පෙබරවාරි 26 දා පෙ. ව. 9.00 ට ලයනල් වෙන්ඩ්ට් රඟහලේදී ඇරඹෙයි. එම ප්රදර්ශනය 28 වැනි දින දක්වා පෙ. ව. 9.00 සිට ප. ව. 9.00 දක්වා පැවැත්වෙයි. රේඛා චිත්ර, සාම්ප්රදායික චිත්ර සහ නූතන චිත්ර රැසකින් මෙය සමන්විත වෙයි. සිසු අවධියෙහි පටන් වත්මන වන විට ඇය දේශීය හා ජාත්යන්තර සම්මාන රැසක් හිමිකරගෙන තිබේ. අපි ඒ පිළිබඳ ඇගෙන් ඇසුවෙමු.
“1997 ලෝක ළමා දිනය නිමිත්තෙන් පැවති චිත්ර තරගයෙන් ප්රථම ස්ථානය ලැබුවා. 2006 චෙකොස්ලොවේකියාවේ ජාත්යන්තර ළමා චිත්ර තරගයෙන් Rose of the lidice – Super gold Medal එක මට හිමිවුණා. එහෙත් එම ජයග්රහණ ලැබූ පමණින් චිත්ර කලාවේ පරතෙරට පැමිණ ඇතැයි මා සිතන්නේ නෑ. වැඩිදුරටත් අධ්යයනය කරමින් අභ්යාසයෙහි යෙදෙමින් මගේ ම අනන්යතාව ඇති චිත්ර නිර්මාණය කිරීම මගේ අරමුණයි.” හෂිනි හිමාෂා පවසයි.
ලයනල් රණවීර සහ චන්ද්රගුප්ත තේනුවර යටතේ චිත්ර ශිල්පය හදාරා ඇති ඇය 2013 සිට TD Rrinters Sri Lanka ආයතනයෙහි ප්රධාන චිත්ර ශිල්පිනිය ලෙස කටයුතු කරයි. “වේදනාව මත බලාපොරොත්තු” නම් නිර්මාණය ඇගේ සිතුවම් අතර කැපී පෙනෙන නිර්මාණයකි. ආචාර්ය චාල්ස් දයානන්ද සහ නයනානන්ද විජේකුලතිලක යනාදී චිත්ර ශිල්පීන් එම චිත්රය ඇතුළු චිත්ර කිහිපයක ම හෂිනි හිමාෂාට ආවේණික වූ ශෛලියක් ඇති බව පවසා ඇත. “මේ චිත්රයට විෂය වුණේ දැඩි සේ රෝගාතුරව සිටියදීත් ජීවිතය කෙරෙහි මහත් බලාපොරොත්තු තබාගෙන සිටි මගේ අම්මා. වේදනාව මැඬගෙන ජීවිතය පිළිබඳ දැල්වුණු බලාපොරොත්තුව රේඛා සහ වර්ණ භාවිතයෙන් ඉදිරිපත් කිරීමට මා උත්සාහ කළා” හෂිනි හිමාෂා පවසයි.
ඇගේ එක් සිතුවමක කහ, රතු සහ කළු වර්ණ පසුබිමෙහි රේඛා චිත්රයක මිනිස් මුහුණු තුනක් පෙනේ. සෙසු මුහුණු සුපසන්ව පවතිද්දී එක් මුහුණක ඇත්තේ ද්වේශ සහගත බැල්මකි. ඒ මුහුණ අනෙක් මුහුණු දෙස බලා සිටී. “මේ චිත්රයෙන් මා පිළිබිඹු කිරීමට උත්සාහ කළේ මිනිස් සමාජයෙහි විවිධත්වයයි. ඔවුන්ගේ සිතුවිලි ක්රියාත්මක වන ආකාරයයි” හෂිනි හිමාෂා පවසයි.
ඇතැම් චිත්ර ශිල්පීන් සමකාලීන දේශපාලන හා සමාජ සංසිද්ධීන් සිතුවමට නැඟීම සඳහා උනන්දු වෙනවා. එය යහපත් ලක්ෂණයක්. චිත්ර ශිල්පය හදාරන්නියක හැටියට මටත් එවැනි අරමුණක් තිබෙනවා. එහෙත් එය ප්රමාණාත්මක නොවී කලාත්මක නිර්මාණයක් විය යුතුයි. කලාවේ සීමාව බිඳගෙන එය කළ නොහැකියි.” හෂිනි හිමාෂා චිත්ර කලාවෙහි ඉදිරි ගමනක් යෑමේ හැකියාව ඇති නිර්මාණශීලී යෞවනියකි. ඇගේ නිර්මාණ දිවියට අපේ සුබ පැතුම්.
තිඹිරියාගම බණ්ඩාර
http://www.dinamina.lk/
Saturday, February 20, 2016
කැසුබු වත
වතුරේ පිහිනයිමසෙක් නොවේමයි
ගොඩබිම බඩ ගා
උරගෙක් වේමයි
වෙරළම හාරා
බිත්තර දමලා
මුහුදට ඇදිලා
මසුන් ගිලිනවා
මුන් ඇල්ලූ විට
වඳවී යයි හෙට
එහෙම නොකළොතින්
හෙටත් ඉඳී උන්
බිත්තර අහුලා
පැටව් ලබාලා
මුහුදට යවලා
රැකගමු සැමදා
සුරන් සුදාරක ජයබාහු
6 ශ්රේණිය ‘ඊ’,
සා. සෙබස්තියන් විදුහල,
මොරටුව.
6 ශ්රේණිය ‘ඊ’,
සා. සෙබස්තියන් විදුහල,
මොරටුව.
http://www.silumina.lk/2016/02/21/_art.asp?fn=au1602211
Monday, February 15, 2016
මට හයිඩි මුණගැසුණු දා
පාසලේ නිවාඩු සමයේ දී මම කියවන්නෝ දිනන්නෝ තරගයට සූදානම් වූයෙමි. ඒ සඳහා හයිඩි, බුහුකි, බැලැක් බියුටි, ජන්ගල් බුක් හා විසාඩ් ඔෆ් ඔස් යන ග්රන්ථ කෙරෙහි වැඩි අවධානයක් යොමු කළෙමි.
දිනක් හයිඩි පොත කියවමින් සිටින අතරතුර නොදැනුවත්ම නින්ද මා සොයා පැමිණියේය. එය මා දහනව වන ශතවර්ෂයේ මැද භාගයට රැගෙන ගියේය. මගේ පෑනේ මිතුරියක් වන හයිඩි, ලිපියක් මා වෙත එවා තිබුණි. එහි සඳහන් වන ආකාරයට ඈ මට ස්විට්සර්ලන්තයේ නිවාඩුවක් ගත කිරීමට ආරාධනා කර සිටින්නීය. ඒ අනුව මා වසන්ත ඍතුවේ ස්විට්සර්ලන්තය බලා ගමන් ඇරැඹුවේ කටුනායක ගුවන් තොටුපොළෙනි. ස්විට්සර්ලන්තය වෙත ළඟා වන විට උදෑසන අට පමණ විය.
මා පිළිගැනීමට හයිඩි ඇගේ සීයා සහ මැදි වියේ පසු වන පුද්ගලයෙක් පැමිණ සිටියහ. පසුව මට දැනගැනීමට ලැබුණේ එම පුද්ගලයා හයිඩිගේ ජයග්රහණය පසුපස සෙවණැල්ල මෙන් සිටි වෛද්යවරයා බවය.
වසන්ත සමයේ ස්විට්සර්ලන්තයේ ස්වභාව සෞන්දර්ය දැක මම අමන්දානන්දයට පත්වීමි. ඇඟ කිලි පොළා යන සිසිලස ගතට අමුතු ප්රබෝධයක් එක් කළේය. මල්වලින් හා පලතුරුවලින් අවට ගස් කොළන් පිරී තිබුණි. සීතලට ඔරොත්තු දෙන ඇඳුම්වලින් සැරසුණු ජනයාගෙන් වීථි පිරී තිබුණි. විවිධාකාර හැඩයේ අශ්ව කරත්ත හා විවිධ වර්ණයෙන් යුත් අශ්වයින්ගෙන් මහා මාර්ග පිරි තිබුණි. මට අප රටේ නුවරඑළිය, බණ්ඩාරවෙල සිහියට නැඟුණි.
වසන්ත සමයේ ස්විට්සර්ලන්තයේ ස්වභාව සෞන්දර්ය දැක මම අමන්දානන්දයට පත්වීමි. ඇඟ කිලි පොළා යන සිසිලස ගතට අමුතු ප්රබෝධයක් එක් කළේය. මල්වලින් හා පලතුරුවලින් අවට ගස් කොළන් පිරී තිබුණි. සීතලට ඔරොත්තු දෙන ඇඳුම්වලින් සැරසුණු ජනයාගෙන් වීථි පිරී තිබුණි. විවිධාකාර හැඩයේ අශ්ව කරත්ත හා විවිධ වර්ණයෙන් යුත් අශ්වයින්ගෙන් මහා මාර්ග පිරි තිබුණි. මට අප රටේ නුවරඑළිය, බණ්ඩාරවෙල සිහියට නැඟුණි.
පළමුවෙන්ම අපි ක්ලාරාගේ නිෙවසට ගියෙමු. ඇගේ පියා, ආච්චී සහ ආයා අප මහත් උණුසුම් ලෙස පිළිගත්හ. මම ක්ලාරා දැකීමෙන් සතුටු වූයෙමි. ඇය ඇඳකට සහ රෝද පුටුවකට සීමා වී සිටියාය. නමුත් හයිඩි සහ ඇගේ සීයාගේ කරුණාවන්ත සැලකීම නිසා ඇය සුව වූවාය.
ඉන් පසුව අපි ඩොෆ්ලි බලා ගමන් ඇරැඹීමු. ඒ සඳහා අශ්ව කරත්තයක් සූදානම් කර තිබුණි. පීටර්, ඔහුගේ මව සහ අන්ධ ආච්චි අප පිළිගත්හ. ජීවිතයේ ප්රථම වතාවට චීස් සහ රෝස්ට් කරන ලද පාන් අනුභව කිරීමට එහිදී මම වාසනාවන්ත වීමි. ඩොෆ්ලි වටා ඇවිද කඳු නැඟ අවට දර්ශන දැක බලා ගත්තෙමි.
මා අවදි වන විට හයිඩි, පීටර්, ක්ලාරා සහ ඩොෆ්ලි මගේ මතකයේ රැඳී පැවතුණි. මෙය සිහිනයක් වුවත් සැබෑම සංචාරයක් ලෙස මා හද තුළ දෝංකාර දෙයි.
මා අවදි වන විට හයිඩි, පීටර්, ක්ලාරා සහ ඩොෆ්ලි මගේ මතකයේ රැඳී පැවතුණි. මෙය සිහිනයක් වුවත් සැබෑම සංචාරයක් ලෙස මා හද තුළ දෝංකාර දෙයි.
ඩබ්ලිව්. ඒ. පසිඳු අංජන වීරක්කොඩි
7 ශ්රේණිය 'ඒ',
රෝයල් ජාත්යන්තර පාසල,
කුරුණෑගල
7 ශ්රේණිය 'ඒ',
රෝයල් ජාත්යන්තර පාසල,
කුරුණෑගල
Thursday, February 11, 2016
පරිස්සමට හිනා වෙවී............!!!
පරිස්සමට හිනා වෙවීආදරයෙන් රණ්ඩු වෙවී
වෙල් ඉපනැල්ලේ දිවූ හැටි
සිහි වෙනවා නිතර නිතර
දවසක් ඒදණ්ඩ දිගේ
මුලින් ම යන්නේ කවුදැයි
අපි විගහට ගමන් කළා
පය ලිස්සා වැටුණු විටදි
ඇඳි වත ගිලිහුණා වගේ
මූණු රතු වුණා මතකයි
බඩවැටිවල කජු ගස් මුල
රැයක් දවාලක් නැතිවම
ඔච්චම් කරමින් අපිටම
කුරුලු කිරිලි කිචි බිචියට
තාල ඇල්ලුවා මතකයි
නරි නයිදේ එළවාගෙන
උගෙ පස්සෙන් දිව ගෙන ගොස්
ආපස්සට ඌ එන විට
අප දිව්වා ගස් මුදුනට හති දාගෙන
කොයික කළත් අහිංසකයි
ආතා උකුළේ ඉඳ
නිඳි කුමරිය හා අත ගෙන
රෑ සිහිනෙන් බුදු සාදුට
වැන්දා මතකයි
එම්. ජී. ඩිල්කි නවෝදා
13 ශ්රේණිය,
අනුලා විද්යාලය,
නුගේගොඩ.
13 ශ්රේණිය,
අනුලා විද්යාලය,
නුගේගොඩ.
සෙවණැල්ලකින් ජීවිතය ජයගත් මිනිසා
බොහෝ කලකට පෙර එක්තරා දුප්පත් මිනිසකු වාසය කළා. ඔහු තම කුඩා නිවෙසට ගොඩ වූයේ තම රැකියාව කිරීමෙන් ඇඟට ඇතිවූ තෙහෙට්ටුව නිසාය. ඉටිපන්දමක් දල්වා ගත් මේ මිනිසා තම ඇඳේ හාන්සි වුණා. මඳ වේලාවක් යන විට මෙම ඉටිපන්දම අසලට මීයෙක් ආවා. නමුත් ඔහු මීයා එළවන්නටවත් පහර දෙන්නටවත් තැත් කළේ නැහැ. ඔහු බලා සිටියේ මීයාගෙන් බිත්තියේ ඇඳුණු සෙවණැල්ල දෙසයි. ඔහුගේ සිතේ අරුම පුදුම සත්ත්වයෙකුගේ රුව ඇඳෙන්නට විය. අවසානයේ මෙම සත්ත්වයා මිකී මවුස්, මිහී මවුස් නමින් ලොව පුරා ප්රසිද්ධියට පත්විය. මෙම මිනිසා අන් කවරෙක් වත් නොවේ, ලොව පුරා කුඩා දරුවන්ගේ ආදරයට පත්වූ ඩිස්නි සමාගමේ ප්රධානියා වූ වොල්ට් ඩිස්නි මහතාය. අවසානයේ කෝටිපති ව්යාපාරිකයෙකු වන්නට මෙම මිනිසාට උපකාරී වූයේ අර මීයාගේ සෙවණැල්ලයි.
ධනුජ හංසික ජනනාත්
8 ශ්රේණිය 'ඩී',
සාන්ත තෝමස් කුමර විදුහල,
මාතර.
8 ශ්රේණිය 'ඩී',
සාන්ත තෝමස් කුමර විදුහල,
මාතර.
http://www.silumina.lk/2016/02/07/_art.asp?fn=au1602071
Sunday, January 10, 2016
මම පොත් නැව බැලීමට ගිය දා
කොළඹ වරායට බුරුමයේ සිට පොත් නැවක් පැමිණි බව පුවත්පත්වල පළ විය. නැවේ නම Logos Hope ය. එය ඉතා විශාල නැවකි. නැවට ඇතුළුවීමට පැය දෙකක් පමණ පෝලිමේ සිටීමට අපට සිදුවිය. වරායට අප රැගෙන ගියේ බසයකිනි. එම නැව තුළ අවන්හලක් ද විය.
මම පොත් ප්රදර්ශනයෙන් පොත් මිලදී ගත්තෙමි. නැවේ විවිධ රටවල්වලින් පැමිණි මිනිස්සු හාර සියයක් පමණ සේවය කළහ. මම ඔවුන් සමඟ කතා කලෙමි. නැව ඇතුළේ සිට පිටතට පැමිණි අපට දැනුණේ මහත් ප්රීතියකි. ඈතින් ගාළුමුවදොර පිටිය දිස්විය. හිරු රතු ගිනි බෝලයක් මෙන් මුහුදේ ගිලෙන්නට විය. වහ වහා කොටුව දුම්රියපළට ගිය අපි දුම්රියකට නැග්ගෙමු. දුම්රියේ යන විට අපගේ ගතට සිසිලක් දැනුණි. අපි පානදුරින් බැස නිවස කරා ආවෙමු.
නදීප් පෙරේරා
5 ශ්රේණිය 'බී',
බණ්ඩාරගම ජාතික පාසල,
බණ්ඩාරගම.
5 ශ්රේණිය 'බී',
බණ්ඩාරගම ජාතික පාසල,
බණ්ඩාරගම.
http://www.silumina.lk/2016/01/10/_art.asp?fn=au160110
මහ වර්ෂාව
බින්දු බින්දු ආකාසෙන් පොළවට එන්නේ
තුරුලිය හෙම හිත සතුටින් නැටුම් නටන්නේ
දිය පහරත් හෙමින් සැරේ ඉහළ නඟින්නේ
කුරුලු පැටවු කැදැල්ලෙ සිට බලා සිටින්නේ
වහින විට ගස්වැල් හෙම නැළ වෙතී
දිය දහරා මිදුල උඩින් ගලා එතී
පුංචි කුසුම් පිපී සුවඳ බෙදා නිතී
මෙය දැකලා පුංචි ළමයි රඟ දෙතී
අකුණු ගසා ගෙරවිලි හඬ රැව් දෙතී
කුරුලු පැටව් මේ සද්දෙට බිය වෙතී
පුංචි ළමයි අම්මා වෙත දිව යතී
ටික මොහොතින් වැස්ස ටිකක් අඩු වෙතී
දැන් නැවතත් සිසිල් සුළඟ හමා එතී
ඒ සමඟම මද වැස්සක් කඩා එතී
ආකාසේ සුදු පාටින් වේළී යතී
පුංචි ළමයි අම්මා ළඟ සැන සෙතී
තුරුලිය හෙම හිත සතුටින් නැටුම් නටන්නේ
දිය පහරත් හෙමින් සැරේ ඉහළ නඟින්නේ
කුරුලු පැටවු කැදැල්ලෙ සිට බලා සිටින්නේ
වහින විට ගස්වැල් හෙම නැළ වෙතී
දිය දහරා මිදුල උඩින් ගලා එතී
පුංචි කුසුම් පිපී සුවඳ බෙදා නිතී
මෙය දැකලා පුංචි ළමයි රඟ දෙතී
අකුණු ගසා ගෙරවිලි හඬ රැව් දෙතී
කුරුලු පැටව් මේ සද්දෙට බිය වෙතී
පුංචි ළමයි අම්මා වෙත දිව යතී
ටික මොහොතින් වැස්ස ටිකක් අඩු වෙතී
දැන් නැවතත් සිසිල් සුළඟ හමා එතී
ඒ සමඟම මද වැස්සක් කඩා එතී
ආකාසේ සුදු පාටින් වේළී යතී
පුංචි ළමයි අම්මා ළඟ සැන සෙතී
කේ.ඒ.ඩී. සෙනුරි තීක්ෂණ
6 ශ්රේණිය,
යට්ටපාත ක.වි.,
යට්ටපාත
6 ශ්රේණිය,
යට්ටපාත ක.වි.,
යට්ටපාත
http://www.silumina.lk/2016/01/10/_art.asp?fn=au160110
Saturday, December 19, 2015
අන්තර්ජාලය යනු
පරිගණකය නිපදවීමෙන් පසු සිදුවූ අපූරු සොයා ගැනීමක් ලෙස අන්තර් ජාලය හැඳින්විය හැකි ය. අතීතයේ සිට වර්තමානය දක්වා පැමිණි ගමනේ යෝධ පිම්මක් පැන නූතන මානවයා තොරතුරු රැස් කිරීම සඳහා දැඩි ඇල්මක් දක්වයි. මේ සඳහා අන්තර්ජාලය මඟින් සිදුවන සේවාව අපමණ ය. විද්යුත් රැහැන් ප්රකාශ තන්තු ඔස්සේ හෝ ගුවන් විදුලි තරංග ඔස්සේ එකිනෙකා හා සම්බන්ධ වී සිටින ලොව සෑම රටකම විසිර පැතිර ඇති තොරතුරු ජාලයක් අන්තර්ජාලයේ ආරම්භය යි. අන්තර්ජාලයේ ආරම්භය දශක තිහකට පමණ පෙර වූවකි. කෙමෙන් වර්ධනය වෙමින් පැවැති අන්තර්ජාල දත්ත සම්ප්රේෂණය සඳහා නව මෘදුකාංගයක් හඳුන්වාදෙන ලදී.
ඇමෙරිකාවේ ටීම් බර්නස් ලී නමැති පරිගණක විද්යාඥයා විසින් හඳුන්වා දුන් එය අධිලේඛන (HTML = Hyper text Markup Language) සම්පාදන ක්රමයයි.
දිනෙන් දින අන්තර්ජාලයට සේවාවන් එක්වෙමින් පවතියි. E – mail, ftp, telnet හා www ඉන් සමහරකි. අන්තර්ජාල තාක්ෂණය අතරින් wwwතාක්ෂණයට හිමි වන්නේ ප්රමුඛ ස්ථානයකි. මෙම තාක්ෂණය මඟින් අන්තර් ජාලය මත බොහෝ සේවා සපයා ඇත. www යනු world wide web ය. මෙම තාක්ෂණය වෙබ් තාක්ෂණය යනුවෙන් හඳුන්වයි. අදාළ වචනයක් ඔස්සේ, පිටු සිය දහස් ගණන් සිසාරා යමින් ලෝකය දෙස එබී බලමින් තොරතුරු රැස් කිරීමට මෙම ක්රමය බොහෝ දායකවේ.
නූතන ලෝකයේ වෙසෙන අපි අන්තර්ජාලය ඔස්සේ දැනුම වර්ධනය කර ගැනීමට උත්සාහ ගනිමු.
දිනෙන් දින අන්තර්ජාලයට සේවාවන් එක්වෙමින් පවතියි. E – mail, ftp, telnet හා www ඉන් සමහරකි. අන්තර්ජාල තාක්ෂණය අතරින් wwwතාක්ෂණයට හිමි වන්නේ ප්රමුඛ ස්ථානයකි. මෙම තාක්ෂණය මඟින් අන්තර් ජාලය මත බොහෝ සේවා සපයා ඇත. www යනු world wide web ය. මෙම තාක්ෂණය වෙබ් තාක්ෂණය යනුවෙන් හඳුන්වයි. අදාළ වචනයක් ඔස්සේ, පිටු සිය දහස් ගණන් සිසාරා යමින් ලෝකය දෙස එබී බලමින් තොරතුරු රැස් කිරීමට මෙම ක්රමය බොහෝ දායකවේ.
නූතන ලෝකයේ වෙසෙන අපි අන්තර්ජාලය ඔස්සේ දැනුම වර්ධනය කර ගැනීමට උත්සාහ ගනිමු.
යූ. හර්ෂණී සෙව්වන්දි,
9 ශ්රේණිය,
ඇතාබැඳිවැව විද්යාලය,
ත්රිකුණාමලය.
9 ශ්රේණිය,
ඇතාබැඳිවැව විද්යාලය,
ත්රිකුණාමලය.
http://silumina.lk/2015/12/20/_art.asp?fn=au151220
සීතල නත්තල
සීතල නත්තල පැමිණීමත් සමඟ ජේසුතුමන්ගේ උත්පත්තිය සිහියට එයි. සෑම වසරකම දෙසැම්බර් 25 වැනි දින නත්තල සැමරේ. පුංචි ළමෝ නත්තලට බෙහෙවින් ප්රිය කරති. ඒ නත්තල් සීයා අත හිත පිරෙන්න තෑගි බෝග ගෙනැවිත් දෙන බැවිනි.
මේ කාලයේ නත්තල් ගස් ඇතුළු නොයෙක් සැරසිලිවලින් නිවෙස් හැඩ වෙයි. ජේසු තුමා ඉපදුණු බෙත්ලෙහෙමේ ගව ඔරුව සිහිපත් කරමින් මඩුවේ අනුරුවක් ද සාදති. නත්තල් කාලය ළඟා වනවිට නත්තල් සැරසිලිවලින් කඩ සාප්පු ද අලංකාරවත් වෙයි. නත්තල් සාප්පු සවාරි යන්නන්ගෙන් කඩ සාප්පු පිරී ඉතිරී යයි. මඟ දිගටම ඇති වෙන්නේ ජනාකීර්ණ බවකි.
නත්තල ක්රිස්තු භක්තිකයන් ගේ පමණක් නොව අන්ය ආගමිකයන්ගේද සතුටට හේතුවකි. ඔවුහු ද නත්තල සතුටින් ගත කරති. විනෝද වෙති. විශේෂයෙන්ම පාසල් නිවාඩුවත් සමඟ එන නත්තල අප සැමගේ සිතට සතුටක් ගෙන දෙයි.
නත්තල ක්රිස්තු භක්තිකයන් ගේ පමණක් නොව අන්ය ආගමිකයන්ගේද සතුටට හේතුවකි. ඔවුහු ද නත්තල සතුටින් ගත කරති. විනෝද වෙති. විශේෂයෙන්ම පාසල් නිවාඩුවත් සමඟ එන නත්තල අප සැමගේ සිතට සතුටක් ගෙන දෙයි.
සඳමිණි සමාඛ්යා ජයබාහු
7 ශ්රේණිය,
සිරිමාවෝ බණ්ඩාරනායක වි.,
කොළඹ 7
7 ශ්රේණිය,
සිරිමාවෝ බණ්ඩාරනායක වි.,
කොළඹ 7
http://silumina.lk/2015/12/20/_art.asp?fn=au151220
Friday, December 18, 2015
රෝස මල
අපේ ගෙදර මිදුලේ තියෙන
රෝස ගහේ දවසක් දා
හරි ලස්සන මල් පොකුරක්
පිපිලා තිබුණා
මී මැස්සන් සමනලුන්
පියාඹාවිත් ඒ රෝස මලින්
රොන් අරගෙන රැඟුම් රඟා
යන්නට ආවා
ලස්සන තිබුණත් කෙතරම්
එය නෑ සැමදා ඇත්තේ
ලස්සන නැති වූ දිනයේ
නැත කිසිවකු පැමිණෙන්නේ
අපටත් කවදා හෝ මෙය
සිදුවන බව රෝස පොකුර
මනාව පවසයි අප හට
තේරුම් ගත යුතුමයි එය
රෝස ගහේ දවසක් දා
හරි ලස්සන මල් පොකුරක්
පිපිලා තිබුණා
මී මැස්සන් සමනලුන්
පියාඹාවිත් ඒ රෝස මලින්
රොන් අරගෙන රැඟුම් රඟා
යන්නට ආවා
ලස්සන තිබුණත් කෙතරම්
එය නෑ සැමදා ඇත්තේ
ලස්සන නැති වූ දිනයේ
නැත කිසිවකු පැමිණෙන්නේ
අපටත් කවදා හෝ මෙය
සිදුවන බව රෝස පොකුර
මනාව පවසයි අප හට
තේරුම් ගත යුතුමයි එය
හිරුදිනී කුමාරි විජේතිලක
10 ශ්රේණිය ‘කිව්’,
ඩඩ්ලි සේනානායක මධ්ය විද්යාලය,
තෝලංගමුව.
10 ශ්රේණිය ‘කිව්’,
ඩඩ්ලි සේනානායක මධ්ය විද්යාලය,
තෝලංගමුව.
අප උරුමය
නැගී එන හිරු රැස්වල
ගලා යන දිය රැළිතුළ
හමා එන මඳ නලවල
රැඳී ඇත මිනිසත් ගුණ
මිහිඳු හිමිගේ කවි
මුනිදසුන්ගේ වැකි
මඩොල්දූවේ සිරි
තෙමයි හද නිවි නිවි
සීගිරි සිතුවමින්
කැටපත් කුරුටු ගීයෙන්
සඳකඩ කැටයමින්
හද වත පිරේ සතුටින්
ගුත්තිලය කවි පොත
සිරිත්මල් දම් පෙළ
පන්සියපනස් දා වත
තනයි සොඳුරුම හදවත
නින්දට යන විට
අත්තම්මා කී කතන්දර
සොඳුරු මිනිසත් ගුණ
තබයි මා හද තුළ
ගලා යන දිය රැළිතුළ
හමා එන මඳ නලවල
රැඳී ඇත මිනිසත් ගුණ
මිහිඳු හිමිගේ කවි
මුනිදසුන්ගේ වැකි
මඩොල්දූවේ සිරි
තෙමයි හද නිවි නිවි
සීගිරි සිතුවමින්
කැටපත් කුරුටු ගීයෙන්
සඳකඩ කැටයමින්
හද වත පිරේ සතුටින්
ගුත්තිලය කවි පොත
සිරිත්මල් දම් පෙළ
පන්සියපනස් දා වත
තනයි සොඳුරුම හදවත
නින්දට යන විට
අත්තම්මා කී කතන්දර
සොඳුරු මිනිසත් ගුණ
තබයි මා හද තුළ
සඳමිණි සමාඛ්යා ජයබාහු
6 ශ්රේණිය “ඕලු”
සිරිමාවෝ බණ්ඩාරනායක විද්යාලය,
කොළඹ 07.
6 ශ්රේණිය “ඕලු”
සිරිමාවෝ බණ්ඩාරනායක විද්යාලය,
කොළඹ 07.
ඇස් උඩ දාගෙන
