ලක්ෂිත හතර වසරේ ඉගෙනුම ලබන දරුවෙකි. කුඩා කල සිටම සතුන්ට හිංසා කිරීමට මොහු පුරුදු වී සිටියේය. ඔහුගේ මව ඒ පිළිබඳ ඔහුට කෙතරම් අවවාද කළත් ඔහු ඒ පිළිබඳ තැකීමක් නොකළේය. ලක්ෂිතගේ පියාට වෙනත් පළාතකට රැකියා ස්ථානයෙන් මාරුවක් ලැබිණි. ඉන්පසු ලක්ෂිත හා පවුලේ සැම මධ්‍යම පළාතේ පදිංචියට ගියහ.
ලක්ෂිතව ද නව පාසලකට ඇතුළත් කළේය. එම පාසලේ පන්තියට ඇතුළත් වූ ලක්ෂිතට එම පන්තියෙහිම ශිෂ්‍යයකු වූ කවීෂගෙන් නොයෙක් ඇනුම්පද, ආදි නොයෙක් හිංසා විඳීමට සිදුවිය. කිසිඳු ශිෂ්‍යයකු ලක්ෂිත සමඟ කතා කළේ නැත. මෙය ලක්ෂිතට මහා හිසරදරයක් විය. ලක්ෂිත මෙම ප්‍රශ්නය තම මවට පැවසුවේය. මව මෙය ලක්ෂිතගේ පන්ති භාර ගුරුතුමියට පැවසුවාය.
එදා පන්තියේ පාඩම වූයේ මහින්දාගමනයයි. දෙවැනිපෑතිස් රජු මුව දඩයම සඳහා ගොස් අනුබුදු හිමි හෙවත් මිහිඳු මහරහතන් වහන්සේගෙන් දහම් අසා තමන් කළ වරද තේරුම්ගෙන එය පිළිගත් ආකාරය පන්ති භාර ගුරුතුමිය පහදා දුන්නාය. අන් අයට හිංසා කිරීම නරක පුරුද්දක් බවත් ගුරුතුමිය තවදුරටත් පැහැදිලි කළාය. විවේක කාලයේදී කවීෂ, ලක්ෂිත හමු වූවේය. කවීෂ ලක්ෂිතගෙන් සමාව ඉල්ලා සිටි අතර ලක්ෂිත ඔහුට සමාව දුන්නේය.
ගෙදර ගිය වහාම ලක්ෂිත සතුන්ට හිංසා නොකරන බව කියා තම මවට පොරොන්දු වූයේය. කවීෂ ලක්ෂිතගේ හොඳම මිතුරා වූ අතර පන්තියේ අනෙක් ශිෂ්‍යයෝ ද ඔහුගේ මිතුරෝ වූහ. ලක්ෂිත හා ඔහුගේ මිතුරන්ගේ පවුලේ සැම එක්වී පොසොන් පොහොය නිමිත්තෙන් ගවයෙකුට අභය දානය දීමට කටයුතු පිළියෙල කළහ.
සහස්රංග ගුණසේකර
9 ශ්‍රේණිය ‘බී’,
සුභාරතී මහාමාත්‍ය මහා විද්‍යාලය,
ගොඩගම
9 ශ්‍රේණිය ‘බී’,
සුභාරතී මහාමාත්‍ය මහා විද්‍යාලය,
ගොඩගම
http://www.silumina.lk/2015/05/31/
0 comments:
Post a Comment
ඔබගේ අදහස් අපට මහ මෙරකි